地點:Fukuoka@九州 五日三夜硬闖福岡之旅~好期待啊!! 訓得粒幾鐘又黎晨早機出發，話說響香港機場呢邊 食左呢個，咩角度睇都唔知邊忽值98蚊既早餐， 無錯係98，食包都要成舊水，食正餐咪要我半個月糧?以後都唔食熱狗 港龍機，又Delay...囧rz.....機位座得又唔舒服，機程震到危危乎，嚇瓜人咩 點擊圖片放大 飛機餐有驚喜噃，居然提供__*太興冰鎮奶茶 仲有梅冷麵、Haagen daz雪糕(曲奇同草莓) 岩既，唔靠飛機餐出奇制勝，點頂得住咁多N次機件故障延遲航班，我真係次次中!!=[ 點擊圖片放大 +3 福岡空港__*Fukuoka 一直都只係聽講日本係禮儀之邦，唔親眼見過都唔知 一到停機坪早就列隊企響旁邊點頭示意「辛苦晒機師大哥」(好似乘客辛苦D=]) 搭旅遊車時所見都係，小朋友過左馬路會回頭對司機點點頭「多謝你比我過」 感覺上令人感到親切無比好有愛~我相信去得咁盡既可能~就得呢度先有~ 點擊圖片放大 +3 別府温泉-杉乃井ホテル__*大分県別府市 上左旅遊巴搭左個零鐘車先去到杉乃井溫泉旅館~~ 真係不得了~導遊哥哥話，呢個露天溫泉棚湯， 係由五層浴池組成既大型梯田景觀狀~ 可以一邊浸一邊欣賞別府灣既街景同夜景既~~ 點分五層法?? 第一層（頂層）用玻璃隔開既室內溫泉;第二層（半露天）有個屋頂遮住睇風景~ 第三層（露天）呢層最大最闊~似游泳池!!第四層（露天）浸足浴棚湯~ 最後一層第五層（前端部分）~就緊係我最期待既無敵景觀層~趴係度訓係度~都得! 一陣就知道點分法~吊下癮，食飽飯先! 點擊圖片放大 +2 響旅館既餐廳入面食Buffet~我仲初嘗同壽司刺身師傅用日文點菜~ 嘩~好緊張啊~好彩師傅都系系系我~(因為得3隻刺身，讀錯都唔會比錯我~) 師傅一時之間無比wasabi我!機會黎啦!!唔怕醜講到九十九!! "すみませんね...あの...わさびください...(唔好意思...呢個....唔該wasabi..)" "お!!!すみません!すみません...はい!ここに!(啊!!唔好意思!!係呢度!)" 嘩!!!我成功拎到Wasabi!!好開心啊!!早知影底碟Wasabi紀念一下!!非常鼓舞的說 要趁住呢段留日時間好好實習!!文法錯都唔怕，詞達意就得啦!!~ 激光水上舞泉__*杉乃井ホテル 食完準備出發去搵更衣室換衫浸裸湯喏~~ 我地成班女團友唔知掟咁，齊齊諗住跟實d日本妹人流一定無死錯人，結果行錯晒!! 無啦啦去左呢個激光水上舞泉!!差D跑左入去激光水上舞泉浸裸湯....囉!!囧 呢度係男女共浴，純好似水舞間咁比住客邊浸邊欣賞(唔駛望啦呢度一定要著泳衣架=]) 大家耍到陀陀擰周圍走...唔知應該行去邊度浸... 想問職員點行去更衣室....sosad....我唔知溫泉同更衣室日文係咩...Orz|| 今次最失策既地方...係我居然唔記得帶會話書來...日本人連聽英文單字都有困難... 幾經艱苦先搵到更衣室，只不過想拎條毛巾，同職員都解釋左成幾分鐘都仲未拎到... 終於成功出浴，當然踏入溫泉區已經唔比你影相啦~ 呢兩張相響官網拉過黎~Exactly一模一樣景觀一樣~夜景就再黑好多啦~ 入到溫泉區，第五層既溫泉邊緣觀景位非常爆滿，要等人散開先埋得去， 所幸的是~個晚無咩人~又可以話，因為日本人一見異國人行近， 瞪時好禮貌咁會即刻轉泉走，咁我唔客氣了都=]， 一直就趴響石壆睇夜景厚顏既賴死唔走，反正...旁邊一個人都無 個個怕凍唔敢走出第一層玻璃泉，我寧願凍死都唔願走 冷水泉__* 其實上次韓國浸冷水泉仲有d陰影... 而家仲要咁既露天溫度(又係得幾度)，上次個泉都仲有18度...呢個...得幾度 無奈大姐同我輸賭，我可唔可以浸落呢個冰水泉度5分鐘... 因為佢一直好似冤魂咁賴死呢個冰水泉附近徘徊同裡面浸住...厲害...結果... 我一落泉真係...明顯覺得D血唔上腦咁濟...真係僵硬左唔郁得...唔係講笑... 要大姐拉返我上水...真係唔得..........座都座唔掂...到底佢係咪真係冤魂無感覺... 去返溫度高少少既泉Balance返...(唔敢再亂跳泉) 我死唔信唔得!!復原後再去挑機過!!慢慢來!!! ......... ................ 就係咁一直Keep住苦行僧咁賴死浸響冰水泉入面唔走，不過不停抖... 無幾耐突然有個日本婆婆都入左黎浸，婆婆好有禮貌咁點點頭示意要座落黎， 可能我臉色發白得突然像起日本妹來~XDD 婆婆居住主動同我傾計耶~機會又黎啦!!! 岩岩拎毛巾同搵更衣室既挫折係打敗唔到我既! " ♪ 本当に寒い------(真係好凍啊~)" "へ...本当に寒い...すげ!!(矣...真係好凍...好厲害啊!!)" 講左先發覺用錯左男生講法~~兼且都好似有d九唔答八~~XDD 女仔應該講すごい(就係唔知點解我げ左XD"...)，すげ係比較唔正統唔客氣係男仔先講 如果女仔講，老一輩既長輩會覺得個女仔好唔正經， 就等同聽到女仔講"頂你"個種感覺~大鑊~我正經人家黎架婆婆!!! 況且，我相信我成句文法係錯的~然後個婆婆就係度笑XDDD "あなたは香港から?" "はい...!香港人です..!" 一講就露餡知我香港來...~婆婆都係笑一笑就繼續潑自己冷水=P 點擊圖片放大 +4 無帶錢無帶錢無帶錢!!點知浸溫泉要帶錢!!無帶錢!!(怒) 一出左溫泉區，果然同漫畫甚至遊戲Game所見一樣 有土產區、按摩椅區同飲料區!最最最緊要!遊戲區! 已經準備要關門!!想轉頭拎錢落黎都唔得!!無帶錢!! 眼白白睇住而無得玩!!好飲恨!!無得玩!!無得玩! 四個落Lobby隊啤不醉無歸!!飲勝!!(恨)
