地點:明洞(Myeongdong)@Korea 五色粥早餐__*地道小館 好可怕好可怕，又南瓜又海帶又紅豆... 自覺身心已近乎彌留之際怕上唔到飛機(TW) 終於開口要求Sofie...拜託..貼1萬圜10萬圜都好， 拜託幫我Order一碗麵..淨麵白麵薯仔麵蒿麥麵....麵豉都好!! 唔好再迫我食菜葉粥水...我真係見暈... Sofie都好語重心長咁勸告我... 應該慶幸自己生來不是韓國人 否則就算唔夭折都早死存活唔到韓國，我明白.... 然後出發去明洞既Lotte Duty Free掃貨作最後衝刺， 沒錯今日Last Day了!不過下午仲會去明洞條大街掃貨， 就買D專門店應該無個堆啦，右上角既手套 係好出名韓國小妞Must Have Items♥老泥布! Sofie個陣響韓國留學時都用，話真係白滑皮膚真係咁樣磨返黎 付出既，係連續兩個幾三個鐘，由耳背開始逐寸逐寸捽到落指縫，包滑個雞蛋! 特別冬天時用最Work，因為沖涼時毛孔擴張，幫你更事半功倍 想當時我還鬥志旺盛諗住，今次仲唔做硬白滑美(背)人??嘿嘿嘿!! 結果.....兩年後既今日，包裝依然未打開過....Orz|| 石頭鍋飯__* 逛到累又要食Lunch了，隻蛋生out out咁淋飯食... 仲記得第一次亦係唯一一次食石頭鍋飯，係響紅磡新都會既Food Court... 個次...搞到仲要睇醫生...有陰影....但家姐話韓國一定唔同，不過都只係食到半啖.... 點擊圖片放大 +3 松鶴海苔博物館__*麻浦區 黎參觀紫菜製作過程+試著韓服， 其實都無咩人睇過程囉...集中最多人氣既，永遠都係買紫菜個Part 多人到要迫入去買...不過d紫菜味真係好多選擇!! 最好味永遠都係Wasabi!!又試比大班人狂搶~~ 仲有蒜蓉同海鹽味都係~~正!! 韓國傳統文化體驗館__*松鶴海苔博物館二樓 有真係非常輕便既便當派比大家食~ 食完吞埋落肚，都真係唔覺有掰大過個口 到試韓服時候真係花多眼亂~~揀左我超耐~~~ 好努力咁揀邊一套~~~係d汗嗡味無咁勁.... d衫唔洗架，一洗，就毀了，所以愈Grand愈手工精細既衫，愈污糟... 終於比我揀左一件啦~個個都話我好可愛好可愛~~......套韓服=] 試完玩完交差完~~係時候去明洞血拼喏~響呢度發生左件小事情又~ 點擊圖片放大 Olive Young__*明洞 話說我響呢個藥妝鋪Shopping~~咁買飽找數啦~ 價目詳盡我就唔記得喇，就幾萬圜啦，咁我比足全數零錢， 諗住剛剛好找返紙幣比我唔駛袋咁重啦~應該找返22000圜， 點知佢找少我20000圜得2000圜(Shock!!) 咁...後面又排緊長長既人龍個個啤住等你走... 我都猶豫好一陣講唔講...幾時講...但係條人龍通通超乎想像 有諗過算啦一係...但係數字呢家野一敏感起來...真係唔係人咁品... 港紙都成百幾蚊噃...咁我硬著頭皮去講...岩岩我比左幾錢，佢應該找幾錢.. 好簡單...真係好簡單...show埋張單指住總數... "sorry...i give you fifty thousand wons...(佢微笑點頭), and....u should give me back twenty-two thousand wons...(點頭如搗蒜仍微笑) but.." 指住掌心個2000圜，明啦掛!!好小學雞啦噃(佢...囧??) 我再簡單d，再將以上縮短...Cut剩數字英文... "i...give you...fifty thousand...and....u...give me...two thousand...(我指住張單)" 佢一直囧住搖頭求助...大鑊，莫非佢以為我搵佢做d咩不道德交易...=\ 呢個時候都有個同事出黎幫呢個trainee手收住銀先(掛左名牌同Post) 佢地兩個望住我心諗想點買完野仲賴死唔走，而家姐都咁岩路過幫我呢個低B.... "家姐....個女仔唔明我講咩野...佢找少左W20000比我...講極佢都囧樣我..." "叫左你好好讀書架啦!!麻鬼煩!數值英文你都唔識!!讀咩書!!" "係係係...我錯我錯...唔該你..." ....... .......... "My sister give you Five-奧-奧-奧-奧-,and u give her,two-奧-奧-奧,should,two-two-奧-奧-奧" (!!@o@!!痾!!梳le梳le...!!) 然後就好快咁比返20000圜我家姐，再比返我 "拿!!拎住啦!!無鬼用!!數值銀碼既英文都唔識講!!你讀c片架!!(下刪一百字仲篤我個頭我記得)" 我今日真係學到好多野=] ..................... ............. 最後血拼完畢~仲行埋Super Market掃~d野多到比路人甲乙丙掩住咀笑~ 響街頭自由行咁街邊Hea時，意外見到呢檔街頭小食! 超好味蜜糖脆脆!!返香港一定要搵食譜個個禮拜整黎食!! 然後都夜了~出發最後一項節目，睇Show喏! 點擊圖片放大 +4 Drawing hero show(夢幻塗鴉秀)__*草洞明寶藝術廳(명보아트홀) 好精彩~~睇到目瞪口呆!不過佢地可能表演太耐， 所以臉色有點難看好板起塊面...辛苦錢我明白...辛苦晒.... ....... .............. 一連五日既family韓國之旅就咁完滿結束喇~ 雖然仲未親眼見到落雪只有疑似雨雪當安慰獎！ 但係經歷負二度的經驗非常良好令我唔怕凍已經~~ 終有一日我一定要帶我最愛黎感受一下呢個浪漫地方~ 我還在等你Mr.Right~~到底你仲要游到幾時先會撞到我~~ 小花絮: 香港一落機，好記得全家去左樓下食M記先返屋企~ 我去剪左一頭清爽及膊髮(就係興之所致想清爽一下)， 然後拎手信比個FD......... "哇...點解突然好似瘦左個幾碼....你搞咩...你去抽脂整型?" 個韓國之旅Topic...係有Point唔係亂吹架....;(
