地點:Alpensia Ski Resort (알펜시아리조트 스키장)@平昌(Pyeongchang) 打開窗以為咁好睇到落雪終於~ 實情係D風大到將簷縫頂上面D雪吹晒落黎~ 不過都好~可以For我地呢d鄉下妹未見過落雪既需要! 經常腸蛋腸蛋+腸蛋，已經唔知甩掉左幾多斤脂肪 不過杯豆漿比我意料之外既驚喜，靚野!!好純啊XDDD 春川蕎麥麵體驗博物館(춘천막국수체험박물관)__*江原春川市 第一站出發去整蒿麥麵，個個都有份落場玩下~ 點擊圖片放大 +2 不錯吃的~最起碼好過食菜葉!不過份量實在太多，食唔晒... 緊接著準備出發去南怡島，參觀<冬季戀歌>拍攝場地 因為Hea大半日而個度無野食!! 所以臨出發之前又要食多餐打底!今次食年糕炒雞! 其實同無食無分別，我炒黎玩下算~ 然後搭船出發去南怡島!!除左搭船之外， 其實仲有另一個選擇過海去南怡島既方法 點擊圖片放大 +3 登登登!!無錯嘞，就係座呢個Skyline纜車過海， 有體重限制要45kg~75kg以內， 真係超想超想超想座...但係無人同我去...連帶都唔肯帶我去... 有下次，我一定要自己去一次，I Promise 點擊圖片放大 +10 南怡島(남이섬)__*江原道 真係好寫意好悠閒~環境都真係好靚好舒服~ 成個島涼涼地又濛濛地，兼偶有綿綿雨粉， 整個地方實在太充斥住純愛之感(抖) 明明想擺個騎呢Pose剎一下風景， 都會不其然將你既Pose變得更為之風情萬種充滿愛，厲害 所以影左超多土炮造型照，連班團友都怕左我地~ 唔得，一定要惡搞下D圖~要效果好笑既 行行下仲見到檔好得意既小檔攤圍晒人係度~ 原來係僅有既一間，專賣南怡島豆餡包的小攤子~ 大姐童心未泯即刻撲入人群中要買埋一份! 聽到個豆字我緊係唔食=] 聽講味道真係好普通好普通好普通...既一個白包... 大不了，咪豆包有豆味，又比唔上饅頭咁好味囉 點擊圖片放大 踏上歸途喏!然後去東大門逛街掃貨~ 買左對超可愛Hand-Made襪仔比薑B~ 然後響Sofie介紹下~食左個超好味既咖啡包!!上癮架!! 唔好講笑，以後若然有機會重遊韓國既話，非列入Must Eat List不可 真係好好食，今次韓國之旅唯一推薦，一食再食，唔係無錢，買多個食! 晚飯時間，去食人蔘雞湯__* 唔得掂，完全係飲緊浸住d人蔘既滾水，完全無味 飲一啖已經飲到我好沮喪好沮喪好痛苦， 我知道韓國人就係咁注重養生咁清口味，唔係邊得黎咁白皙 只怪我實在太重口味，我真係唔住得韓國，唔好亂來 返到去酒店，居然安排左我同二姐住尾房 咁都驚以後點自己去旅行，實習下先 大姐捉左二姐陪佢逛街我無去，獨留在房中， 佢地逛完返黎話，聽Sofie講原來韓國酒店d生滋片係隨便睇 同二姐諗住見識見識開下眼界， 結果5秒都留不住視線就關了，好似睇壁畫咁， 總有人欣賞的，辛苦晒繼續加油=](拍拍肩) ............... ....................... .................................. 小花絮: 今日有段小小小插曲發生，我估都可以Share得啖笑一下 --------------------- 話說今日戴左貓耳帽裝萌開心share比Fd睇(唔好打我XD) Whatsapp對話: 女生M:原來你塊面咁尖!而家先知道!旅行前都唔覺!!(sosad...餓凹左) 我:係丫，專登黎韓國削架嘛，唔係我黎韓國做咩=\ 女生M:真係架?咁你仲整左d咩啊? 我:外露既凸出黎既都有整(=P)鼻丫、腮骨丫、下巴丫，割雙眼皮丫..打左D Botex啊，咁囉=-0 女生M:原來你真係有整容架??痛唔痛架??整左幾多錢??貴唔貴?你去邊間整啊? 佢信??佢信??佢信?? 佢信??佢信??佢信??佢信??佢信?? 佢信??佢信??佢信??佢信??佢信??佢信??佢信??佢信??佢信啊!! 而家先瞭解到「啞然失聲」呢個成語點解，感覺很受傷...... ----------------------
