地點:Hong Kong ---> Seoul 前言:應好友要求，終於寫起左呢篇韓國篇出黎，原本真係無諗過寫， 因為我覺得。跟團去都無咩驚喜無咩奇遇好玩吧?不過朋友話 都係旅行既一種呀!!可以知道見識過D咩睇過D咩，都好有興趣知啊! 而兩位愛姊都出奇地表示支持，不分晝夜追我稿，實屬狀況外=]咁我寫啦!! 所以就造就左呢個突如其來既旅遊日誌Blog，小女讀書少文筆唔好，請大家見量啊 -------------------------------------------------- 連踩左九日工加埋學校書展， 先造就到呢5日4夜既Family Trip出來... 起飛為0:55AM，抵達首爾時間係當地5:20AM 意指....一落機就已經要開始一整日Non-Stop既行程喇!! 仲記得第一日我仲係出學校書展， 提早走6點幾先趕得切返屋企再出機場...不過點都值得架!! 貴人出門招風雨，又落雨， 因此經歷左非常動盪既氣流，兼且很不穩既機程 過程驚險無比刺激，呢轉機真係High翻天=] 呢餐咁普通咁平民無肉食既飛機餐，出奇地有驚喜好好味~ 自不然對今次既旅程更充滿厚厚既期盼~ 結果後期先知道，原來呢餐飛機餐: 呢塊果仁酥餅、呢立方Muffin、呢盒維他檸檬茶 竟然係我今次首爾之旅入面__*最豐盛好味既一餐......... 清晨韓國時間6點多到達!整(體)型生活正式開始 仁川國際機場(인천국제공항)__*首爾 因為要等旅遊巴過黎接我地既緣故， 所以導遊姐姐Sofie叫大家機場Hea住先~期間遇上小驚奇~ 仁川機場原來一向有傳統服裝遊行，算係特色歡迎禮吧? 不過好似趕住落山咁行得超快...唔係應該岩岩先開工架咩? 等左好段時間真係頂唔順，響個Gip上面趴低左 娘親同愛姊們急不及待周圍快拍 二姐都即刻飛撲去便利店搵佢至愛既香蕉奶買黎飲 佢話指定呢隻牌子呢隻款最好飲噃!!好好認住喇!!~ 我都無得飲一啖....諗返起成個旅程根本都無飲過... BR(Baskin Robbins)雪糕店__*機場 呢間雪糕店，簡直地標!!D雪糕口味完全唔係士多啤梨蘋果橙!! 隻隻睇到你嘩嘩嘩!!要食齊晒真係要黎成個月先得~好好味!!同家姐食到上癮~~
