地點:Bangkok--->Hong Kong 終於要返香港啦， 下午6點機所以可以訓餐飽先出發去機場 禁區大家話別分開個剎那，我就至驚了，望開黎先 點知妹Ploy突然從後光速撞埋黎，當我大肶樹幹咁抱 係度喊住叫姐Pi唔好走，我幾時咁受小朋友歡迎? 瞪時心都嗡埋痛死我，見佢喊到收唔到制， 鼻涕口水抹埋黎，趁褲袋仲有僅餘幾百Baht， 帶佢去買左兩支扼錢波板糖， 其中一支Exactly同張相一模一樣，不過係加大版 佢擦住兩行眼淚望實我同娘親入禁區， 娘:阿妹真係好好戲好叻女~好聰明!.___. 我:下?點解咁講? 娘:家姐話阿Ploy成日都係咁扮野，好叻對人撒嬌要人疼 我:下下??(x2) 娘:唔係點扼到你又買野比佢~你睇下~ 正當我同娘親搭緊扶手電梯入禁區(5秒前) Ploy同肥大佬係機場你追我打玩到超開心 你個兩行野去左邊?????????去左邊???????????????? 水龍頭起碼都要扭返埋先關得上 縮手就無，自動紅外線感應器??? 岩岩捽眼係眼訓?? 個兩支波板糖已經係家姐個手袋度...... 身無分文咁返香港...真係羞回家裡去...... 我真的受傷了 果然真係爆gip被罰錢~ 好甘耶呢轉泰國之旅~而好友們都知我今日返 紛紛都Whatsapp我生活如何幾點落機駛唔駛幫忙接機， 你們真好~唔駛客氣喇~返到香港都夜晚10點幾~ 12點幾先返到屋企，執得行李已經凌晨3點 好友們都叫我Share返呢一整個月既事情 所以呢個Blog就此誕生喇! 大家非常好奇究竟一個月時間可以點Hea? 有耐性既就慢慢睇喏~~謝謝收看~~
