地點:Thailand 一個月份量既行李一定唔講得笑~ 兩Gip去五Gip返肯定爆KG係毋容置疑的事情~ 娘親懶惰既關係，把Pack行李咁重既任交比我... 先發覺次次返黎~Ar Pann媽來來去去都係買呢d 雖然我都係來來去去食呢d...=p 點擊圖片放大 娘親走粉真係唔少野架! 不過買極都指定呢幾隻者~ 藍色Protex個支就真係肥大佬不停推!! 話真係超透心涼夏天用非常極度嚴重的覺得涼爽!(真係咁講) 感覺上就係用冰薄荷厚厚圍住自己吧(爽浪廣告效果應該係) 話最緊要無香味得薄荷味，叫一定要買 但有無睇到For men...女仔都係Mild d...香d好，我怕凍=] 呢兩樣由細到大個雪櫃都總會Keep住一支係度 上面咁出名既華星牌雞醬~~ 下面係娘親(同我)獨愛既天秤牌蝦膏(我咀挑，For我用黎炒通菜食) 用晒都要專登走出九龍城泰國雜貨鋪買，仲等嘜? "諗朴"___*(朴字讀歪左會變不雅用語~小心=p) 唔係講笑，若然有幸響任何一間街邊小檔見到以上既 別猶豫了，狠狠的買下去唔好客氣，唔係會後悔: 1)可遇不可求，黎n次，撞見而食到都係得2至3次 2)今日買黎食，打算翌日或者晏少少同位置買，永遠無Take Two 泰國獨有街頭甜品，外面好薄一層焦 入面熱騰騰，咬落口曉噴出黎既椰漿糕 椰汁味(原味)先最好食~~一定要熱辣辣咁食~~~=] 呢個竹筒飯出現既機率更低(喊出黎)， 我都已經放棄左~似乎係唔會出現Bangkok~ 聽親戚講話係只限芭提雅出沒 放棄既原因~只係偶有親戚會響芭提雅買黎比我食~ 主要係探娘親~娘親老友親戚何其多~小女受惠了♡ 清心丸__*泰式湯丸 好煙韌!!娘親以往閒置在家時，都會整比我地幾個食~ 不過而家懶到出汁~叫自己去泰國鋪頭食~嘻嘻 食完又點會清心，擺明就更加有牽有掛擺脫不來 我今次泰遊都要響*華欣夜市*先偶然見到一次 甜蛋飯___*自家製♡ 呢樣我又真係無留意邊度有得食噃! 因為呢碟甜蛋飯係小時候最愛之一 娘親同樣偶有在家見我扭計想兜巴星我時 總會出動呢碟殺手鐧KO我 而黎親泰國，鄰居朋友總會整黎比我食當幫我洗塵~ 同樣啦，有見到就買黎食!!真係好好食架!應該要餐廳先有 有啲類似蒸水蛋，不過唔知加左咩泰國香料調味，正!! 呢碗一直仲食緊到而家， 一星期總有一兩次，娘親會整黎比我地做早餐 一直叫"IN喇科"既河粉，實情解作魷魚河=] 加左腐乳定蝦膏所以個湯會變紅色酸尾尾咁好開胃~ (而家先知原來香港叫魷魚河做彩虹河粉XD) 逛到悶就買黎飲下啦嘛~紅色個支最好~ 不過糖漿味多左甜左D而家， 以前無咁重口味，未必個個岩~ 但係我就依然當可樂咁飲~ 情意結呢家野改不來~仲要入冰袋飲! 今次泰遊新發現!!~ 車厘子Yogurt+純味Yogurt~ 係我後期每朝至愛既早餐前甜品♡ 一粒粒車厘子肉架真係~~ 連妹Ploy都係一直食呢隻純味Yogurt我後期至知! 點擊圖片放大 +2 Big C Must Buy__* 薰陶情況下連自己都鍾意走粉~不過無咁雜~ 呢支Babi Mild係我指定款~始終雜莓味最香~ 呢3支係蚊怕水真係好Work! 橙色，橙味個支先好用!仲可以防蚤添~~ 我地買黎噴屋企d窿窿罅罅~最緊要唔臭唔濁， 不過噴之前，拜託先瞇埋對眼幾秒先， 辣魷魚片~一定買濕呢隻先最好味~ 不過唔放得多過一星期，臨走前先好買， 若然前一晚既，麻煩一定要將袋魷魚片掛起安全地方， 因為螞蟻一定會痴狂，講真 肉鬆飯焦乾__*座山牌 唔駛推~一目了然~~鍾意食飯焦仲唔買??指定座山牌噃!! 以上既辣魷魚片同肉鬆飯焦乾， 都輕易可以響Chatuchak Weekend Market手信街買到! 唔好剩係買x珍x喇...無泰國人買架... 肥大佬都話:得香港人先買....不過係好味既都! 我地買返香港做手信時，肥大佬同大姊一臉厭惡XD" 最後壓軸出場__*姐叻牌臘腸(又名豬嘜牌) 呢樣真係弊傢伙不得了， 岩岩個甜蛋飯我都強調左只係最愛>>之一 每次有親友到訪香港，一定一定一定一定.......... 幫娘親>>>托一箱返黎哄我亢奮(高興已經形容唔到) 呢包野....以往賴死唔肯食飯嫘地唔好迫我時， 媽媽總會拿拿臨蒸返半包幾條出黎制伏我 我就會食到一個飯勺份量既飯(臘腸永遠食晒) 呢隻臘腸係甜架!!!!!=] 點擊圖片放大 最後一推!!!!____*Lek Seafood 真係好食又抵架~夠晒地道泰菜~~ 響Chong Nonsi站一出，行幾分鐘就見到~ 大大個招牌，無發雞盲一定見到=]
