地點:早餐街 @Silom 點擊圖片放大 一朝早同娘親+肥大佬去左後巷食鴨河做早餐~ 鴨紅、鴨雜、鴨河齊晒!!正!! 食親會上癮~再者睇佢份量都知道喇~ 快活不知時日過， 完全同香港脫晒節無晒時間同節日觀念... 要家姐Send返香港既月曆比我先跟得返d時間... ......... .............. 肥大佬突然望住小巷旁邊碌樹幹後面， 不停會心一笑目不轉睛，我早知有唔妥， 不過好奇心驅使我二話不說衝前去唔好執輸 居然比我見到條，遊走泰國各小巷後巷，總有一條喺左近嘅.... 蜥蝪 .__. 仲要巨型一條，絕對唔會有想拍照既衝動，實在太核突， 我身前半尺距離個條蜥蝪，好巨型兼且極級嘔心， 我肯定，係紅紅綠綠咁色一巨隻， 攬住碌樹幹不停叫住"篤既篤既"....... 佢渾身豆皮尖起黎刺刺的模樣，瞪時毛管直恫...腳軟了... 而家諗返起都飽受文字煎熬........ 前星期響華欣訓Guesthouse既時候， 晚晚窗外面都有隻動物不停叫住"篤既_篤既" 真係好清淅咁叫住"篤既篤既"，一度懷疑見鬼喳掛?? 原來那星期晚晚一牆之隔陪住我訓 我聽唔到佢「篤既篤既」我會有點失眠失落唔習慣既東西....... .................. ......................... 肥大佬:"呢條已經好靚啦!!你睇下蜥蝪幾靚幾大隻!!" 我淒!!!!打你唔好走開!!我發瘋了!!
