地點:Mo Chit @ Bangkok 表姐Ni親自泡制左碗超足料既豬紅雞河粉比我做早餐~ 另外娘親個fd知道佢千里迢迢黎到泰國 即時登門造訪，整左一大籠自家製， 隻隻都脹卜卜既茶果來孝敬娘親~~ 有糯米餡同韮菜餡兩款任君選擇!!~ 轉個頭已經比一家咁多口清得一乾二淨無得食...... 算啦!今日星期日~準備長征Chatuchak Weekend Market ♥ 點知中左娘親既調虎離山計， 困左我一個響屋企幫佢等朋友來 自己就出左去玩，所以我都要出去， 一道木門是困不住我的知道嗎?=] 雖然已經成3點...然後執左個走佬袋+拖鞋， 手上拎住本旅遊書就咁離家出走了，兵變 搭左差唔多成粒鐘BTS先至到Chatuchak Weekend Market， 響門口劈左個超解喝既大椰青做伴~ 已經開始有人急不及待玩潑水，預祝泰國新年啦! 行左2粒幾鐘左右d鋪頭已經陸續收檔， 一個Area都未行到，只好留待下回再續 抖下先~去左大笨鐘樓下搵下D地道小食回味下~ 諗住試下改搭MRT轉車返去啦未試過， 點知原來MRT係唔用得張八達通Rabbit卡...咁唔八達... 6點幾7點左右返到屋企， 就見娘親同舅母傾緊計話準備出去食飯 娘親叫我安排下(???)搵間餐廳好好招呼舅母， 所以搵左間叫《EAT ME》既餐廳， 原來呢間餐廳無預約係唔招待Walk-in客，不過當行個方便 雖然幾好食，但主菜份量連前菜都不如，埋單仲好貴!! 點擊圖片放大 食飽返到屋企，原來索Nut知我鍾意食Brownie~ 所以趁我出左門時，靜靜雞同Ople整比我食~ so sweet❤飽死都要當宵夜食啊!!
