下一站→__*Bondi bench 三更半夜就嘈醒左......比行雷閃電轟醒...............我個澳遊Last Day啊.......................一早就倒水咁大雨出唔到去咁濟..........齊齊食住呢塊自製薑餅等停雨先出得去食飯..........等到下午放晴喇終於，就齊齊出發陪Auntie Elva去探親戚朋友～去左軍人俱樂部飲茶，好似話有Permit先入得去，不過野食通通都難食到呢....唔得！完全唔得，完全刻薄退伍軍人的說 然後去左佢屋企座下，原來拉開趟門個露台位置種左塊瓜菜田自給自足！就係咁聽佢一直講解如何收成同種植云云，呢個時候，突然我腳邊靠著沙發位置，閃跑左一條勁長、好長，好蕉長既全黑色兼且肚腩唔掂地既草龍蜥蝪出黎，光速擦過我腳邊跑去電視機櫃邊 (T口T)||| 除左慘叫，我唔知點樣能夠充分宣洩出自己既震驚同滾動，我發覺我腿軟了，唔好意思我真係唔多想將張圖片放大。但Exactly正正就係同一款同一條，尾巴再長到可以單腳跳繩咁濟， 探完朋友去左Hurstville買手信，然後轉戰DFO Outlet買到澳洲最有名既羊毛boot低價發售耶～響Food court仲食左羊肉Kebab，我發覺澳洲最出色最好味既似乎真係Kebab！ 行夠食飽就當然要去有名既Bondi bench悠閒一下～雖然我唔識游水....踩下沙呼吸下海水空氣都好丫，個天色幾靚橙橙紫紫～Elita就不停扭我呢個偽May姐姐陪佢玩沙砌城堡，女生點都離不開公主情結想有王子有城堡兩者兼得，好吧好吧=]砌個沙地王子出黎比你喇 砌完外型好似石磨豆漿既沙城堡、同進擊的巨人有得揮既沙地王子之後，終於徹徹底底粉碎左Elita既公主夢，咬著唇話「Miu姐姐我地都係走吧喇....我唔想要城堡啦....都唔同我想像中既....」Good，及時灌輸了正確的觀念，夢想同現實係差好遠，腳踏實地吧=] 去左Black swan公園睇黑天鵝！！嘩～～～唔講都唔知以為只係一群黑鴨～個天又變左紫色～成件事突然之間變到好浪漫好有情調～～ 就響呢個時候低頭一望，響個湖既石臼邊居然有無數條鱔響水面翻騰，成堆成堆黑蚊蚊既鱔群，一睇表面已經Feel隨滑嘟嘟光禿禿黏黏的，都係個句，真係唔想張圖放大，但又係Exactly正正同一款同一條，點解我會咁鍾意食佢地，點解會咁，同d黑天鵝互相輝映瞪時恐怖非常，成件事完全係錯晒，真係報應....粉碎左一件原先咁浪漫既事...活該....我對你唔住Elita 遊遊下仲有個大叔不停餵鸚鵡，鸚鵡唔怕人唔會走企定定粟來張口，無粟轉頭耍性格非常，硬係覺得隻鸚鵡連埋個大叔隻手啄見到都痛.... 點擊圖片放大 入左公園深深處，突然草地上面無因由咁跑左一群鴨出黎教人詫異，你地邊度架?? 就響呢個時候..................睇住Auntie Elva突然超興奮咁追住呢班鴨群，對於嚇到佢地四散開黎一群群，似乎有著無法言喻既滿足感？然後呼籲大家齊齊追鴨，又真係，大家都瞪時突然對嚇鴨群提起濃厚既興趣追埋一份，其實有點不明白，不過諗諗下又好似又真係呢幾日以黎，無咩印象響澳洲邊度見過有燒鵝燒鴨食？呢種思鄉情意結，我明!!既然係咁，我都要感受下嚇鴨既樂趣在哪先得，但似乎無咩慧根領略唔到當中既奧妙之處。 「仲追??我地班救兵!大佬!!」鴨群表示。 返到屋企Hannah同jayden又跟Auntie Anita跑出黎Backyard晒太陽喏～見已經係Last Night，諗住佢地會合作比我影相合照，點知兩個喊都喊唔切不停扭計..........唔影囉....！！呢個時候Elita獻計比我，一條，我諗都無諗過有成功可能既計比我。 「你陪我同Hannah玩彈床就得～佢一定會同你影相=]」 What？？？？？？彈床？？？？？玩彈床？？？？？？我怕你地變左踩彈弓，自此床都無得你地跳 「真架！Trust me！唔信你睇下！！」 講完Elita即刻衝去backyard拉開張彈床條拉鏈，開始默默的彈跳起來自High非常，突然，Hannah響自己間貨櫃屋既窗口見到，真係二話不說衝左出黎爬左上彈床超興奮極興奮笑到卡卡聲，兩個一跳一彈 「拿！你見到啦Miu姐姐！你都快d上黎彈！！～～」 「唔.....唔駛....唔係你地以後都無彈床玩....」 「你唔係想同Hannah影相咩！！你上黎陪佢玩佢先會同你影相架！你試左先啦！」 「真.....真係唔駛......我可以唔影其實.....我影你地跳........」 「無事架！！標籤寫明非常安全！仲可以承受75kg重量！上次有個大人都跳過無事！男仔黎架添仲好肥好肥！」 「唔....真係唔....」 『上黎～～』 突然一把非常可愛嬌嗲既妹妹聲傳過黎，蝦！！！！！Hannah首次開金口用廣東話叫我上去！！仲係跳落床衝埋黎我腳邊，拉住我尾指拉我過去，受不了可愛到暈..................咁樣比個天真瀾漫小妹妹夾左去彈床我依然好猶豫，無晒澳洲紙賠喇噃，但係兩個小妹妹二話不說夾手扯我手臂拉我上去，兩個夾埋先唔知得幾多斤重，我牛龜咁大隻發一發都Fing得開佢兩個，最驚整傷佢地就大鑊，另外Elita都話有大人試過，無理由，我重得過一個肥男人掛???唯有就範喇咁....我唔跳...咪得囉？...點知一爬上去邊邊個網開始下墜..................Hannah扯實個網企埋一邊突然好驚咁望住我XDDDD 「拿～見到啦～唔想以後兩個無得玩，就唔好叫我上去彈床喇知道無～」 「真係奇怪嘞....明明上次我個個男既同學仔，明明大我一年都無事....佢好肥好肥大肥仔黎！」 突然個一剎那感覺既驚又喜啼笑皆非，原來佢口中所指既大人，係大佢一年既肥仔同學仔，好彩我跳得切落床.................... 呢個時候，Hannah居然真係....拖住我隻手指尾，終於肯同我影相.....................過五關斬六將，終於拎到Permit合照唯一呢一張..................哭;( 影完之後，Hannah就好似曇花一現咁，消失於貨櫃箱中關上門玩夠要食奶咀訓覺....而我都拎到呢張咁有紀念價值咁含辛茹苦、排除萬難既一張合照做手信...........早機離開澳洲了.............
