下一站→__*Fish market 一整天都係落雨灰沉沉，心情何其沮喪黏黏的....害得去今次期待已久既Fish market的亢奮心情，都瞪時打個半價咁濟....我真係一直都唔鍾意落雨同陰天.......天朗氣清萬里無雲既爽朗陽光感覺先適合我，我鍾意比陽光晒到成身熱辣辣暖笠笠，只係皮膚唔爭氣一晒就傷。 第一次響悉尼搭火車喳噃原來！要去Fish Market並唔係一件容易事荒蕪遙遠得很，首先就買左張類似Day Pass既東西要去一個叫Lilyfield既站轉車先去到Fish Market，好複雜好轉折!! 點擊圖片放大 唔知點解寧寧舍舍對呢個站名好印象深刻！入返正題～響Lilyfield轉車先到呢個Fish market食豐富既海鮮早餐！落左車行都行一大段路又偏僻噃...可能兜錯遠路唔知啦！ 點擊圖片放大 見到呢個牌已經急不及待衝入去～我已經諗定要食勻晒唔同國家唔同款既蠔！ 點擊圖片放大 Creamy又好Salty又好，mineral 都不怕！總之要大小通通殺殺殺！！ 點擊圖片放大 +4 太多檔口....又太多款....又太多人.....又太多唔同海鮮....我得一把口可以食得半打定一打....食左一打就食唔到海鮮....食半打又食唔勻唔同口味既蠔...天啊....花多眼亂掙扎左好耐 點擊圖片放大 我居然低估左價格問題...行勻成個Market綜合自己Must eat同可Skip既，終於搵到一款算係符合最多需求既一款而價錢叫做算商宜，又未至於食完要留低做黑工既一個龍蝦拼盆餐，價錢都好...哇 。 點擊圖片放大 Aud55(大既就是500元港紙的早餐)，個焗蠔最正，但居然食唔晒仲買貴左原來，個鮑魚無分別無想象中咁鮮甜， 最出名既Tasmania生蠔，咸到阿媽都唔認得盲既都要開眼，一大羹粗鹽嗒落口，除此之外完全無其他形容詞最貼切而合適，呢個期待已久既海鮮早餐，比預期中大失我所望... 食完早餐出發去Taraga zoo，響碼頭等船期間搵雪糕黎安慰下自己希望還在下午嘛～ 點擊圖片放大 終於上左船頂座低觀光遊覽一下～仲可以近距離欣賞下悉尼歌劇院外觀同海中心既舊址監獄，一拎起相機諗住影多幾張瞪時跑都跑唔切.........落左大半日驟雨，想折返都唔得....已經座上左去動物園既遊覽船................... 點擊圖片放大 +2 哈....哈....哈.........我都未試過更加無諗過，我會有比300幾蚊港紙入場費既一日，入去一個叫動物園而半隻動物都無既地方，耽住傘行公園視察無動物既地皮..........連人影都唔見一隻......未上船都已經買左入場劵喏，可以點噃，張入場劵好似係有3日限期，不過，我都離開左澳洲啦！唯有睇企鵝睇海狗呢d室內館喏。 點擊圖片放大 不知不覺就已經準備入黑天灰灰的，當然趁機會非逛呢個，有名睇日落黃昏景最浪漫最靚既Darling harbour喇，但係非常意料之外，明明望到實一實，似乎好似無印象見過黃昏，日光白白，一瞬間全黑！少少gap既時間都無，即黑！好出奇又好意外.....點解會咁......完全白變黑....點解會咁....... 點擊圖片放大 無景睇....唯有入返Harbourside Shopping Centre恍恍吧.......雨還一直在下........響Food Court睇住雨景食左個Kahab牛肉好好食噃～個Pizza都好正～但唯獨呢個Mushoom薄撐有點失望..........冰既？無味既？響Shopping centre又買左堆糖，莫非aud最出名手信係糖同朱古力?去親邊度都係賣呢d～差唔多時間回家去喏，搭返MTR返去..... 點擊圖片放大 好大好大好複雜好多層..............有五層定六層..........每一層又搭通唔知北上定南下既線路.................差點迷失左MTR..........好彩我平時最叻認路太怕事既緣固，永遠都記得曾經行過既地方附近有D咩建築物同店鋪，就發覺自己要落返幾多層！點知.....................當我躊躇滿志的樣子扶住樓梯扶手趕落下兩層，就響第四層同第三層之間既密封樓梯交界，我遇見澳洲頭三位之一夜晚最好千其唔好遇到既人....................................................醉。酒。佬。 有咩咁恐怖？每個曾經外國留學過既朋友仔，都不約而同話，外國好玩係好玩夜生活多姿多彩，不過如果唔係有地膽帶住，夜晚非必要佢地都一定唔會走出街，因為夜晚係醉酒佬同毒友既天堂，周街都係，就好似7仔咁總有一個係幾步之內，而且飲親都一定飲上腦失控個隻，酒精令佢地太興奮亢奮咁話，掟樽爆玻璃樽、燒垃圾筒、撩事鬥非通通都隨心所欲，警察視而不見啦何況唔係本地人，理得你死？！ 個陣夜晚9點幾左右已經，我仲跳緊樓梯準備落下一層趕火車，因為Auntie Elva都千叮萬囑玩還玩一定要睇住時間返黎，夜晚9點打後條街其實唔行得人好危險周街醉酒佬毒友咁話(果然同上)，果陣推開樓梯門見四面牆都係白茫茫一片連天窗都無，好似行緊醫院後樓梯一樣.........純粹一個完全封閉式靜到仲有回音既走火通道，無奈我搵唔到扶手電梯，下一班火車又5分鐘內要開，個陣一心就諗住快D返屋企，諗住都係落一層者，跑快d咪得，之但係條樓梯咁長跑到咁底都未落到一層既？？就響終於踩到平地既拐彎處跳樓梯時，突然一聲酒樽打牆既聲音我瞪時下意識剎停左掣呆站左係度............... 當時感覺係幾咁似打緊《BIOHAZARD》自己突然跳脫左入去隻喪屍Game場面入面，個剎那窒息感心都停一停有感自己，個d腳步聲同玻璃樽聲愈來愈由遠至近，果然就響我呆住左緩緩望向拐彎邊，果然有隻肥喪屍......呀唔係，一個行到左搖右擺既胖胖醉酒佬，一邊跌跌踫踫咁拎住酒樽，一邊扶住扶手同道牆爬緊起身，原來我岩岩跳樓梯個下腳步聲，整醒左沉睡中既佢.....................個下子既頭皮發麻真係沒齒難忘............................. 酒氣濃烈到刺鼻，無奈個出口樓梯門真係響正佢後面拐彎處跑多段樓梯就得，真係打終極Boss咁話，可以成功響佢身邊秒速跑過既可能性其實還可以的..............但係佢身型加上狹窄樓梯兼且左搖右擺企唔穩仲持有武器，我響佢身邊成功穿得過既機率真係一半一半...........跑返上一層既話，佢掟我酒樽既機率更加百發百中無遮無擋，搞到我靠埋牆邊，閉住氣都唔敢呼吸，一直默唸住「你睇我唔到，你絕對係睇我唔見」既咒語，希望佢真係會睇我唔到(睇得疆屍片多左?)，果然發覺佢又真係，好似見到我，又好似見唔到我，剩係不停拿起酒樽隊，我貼住部牆攝呀攝..............攝呀___攝，靜靜雞，攝下又前d.....攝多攝又行前dd.....再行前dd..............終於行過左佢側面突破左防線！喂閃喇大佬！！！跳樓梯跑啦緊係！！！！！返到屋企坷尼吉帝左一整晚......我仲返到香港無客死異鄉................T_T 事過境遷之後睇見呢隻Game既畫面，係幾咁有一種說不出的味道和熟悉感=]
