下一站→__*China Town 終於都要離開Melbourne了，又係時候要長征....不過出奇地，回程無出發時候咁難受!雖然都係搭12個鐘....但係無咁痛苦難捱眨下眼就到~沿途上除左見雞牛羊，今次，仲見到羊駝!!好得意但係我影唔切> 返到屋企離食飯時間仲有一小段距離！去左行Shopping Mall同Coles~響Sportgirl又有斬獲全部係比兩個姊妹既~~睇睇下逛逛下無奈大家想睇既野都唔同！Auntie Elva居然話不如各有各行就已經跑走左影都無埋，剩返我一個響一個陌生既商場對住個鬼妹子店員買衫！個陣真係驚到暈極緊張~~好彩有d單字Vocab補救下順利買到岩Size勉強捱得過~ 漫步Town Hall站，撞口撞面游走馬路邊都係中國人，說起來今次澳遊之旅我真係見唐人多過外國人！兩個外籍學生身邊都總會最少有兩至三個唐人留學生，咁閒逛期間見到有間直接真係標明鋪頭名叫「女人我最大」，入面賣既真係節目有介紹過既台灣貨少量日本貨，一睇個價錢，嘩！！真係好過去搶但係人流依然不缺！一瓶台灣睡眠面膜居然開天價大既760港紙好記得，全部護膚品products都一定要500蚊以上，完全領略到呢個鋪頭名既意思！ 行到咁上下都已經食飯時間，聽講話今晚帶我地去食澳洲超有名既巨型牛扒+海鮮餐!!形容話真係巨型到成個盤咁大，Elita都搭咀話真係Share幾個人食都得~咁誇張，不過臨主菜之前，又比Auntie Elva迫我食沙律食洋蔥食菜話健康d................諗返起個圈紫洋蔥、咸芝士、臭菜葉、咸橄欖....(我以為係僅餘可以放落口既提子)，通通都帶給我無限痛苦味蕾回憶，真係好upsad食完... 果然送到黎之後.........真係盤咁大指公咁厚，重點來了，用刀鋸左五分鐘都鋸唔斷剩係不停噴血水，幾經艱難先鋸得開入面黎睇，完全血紅色一片唔係見到個表面有烤焦痕跡，我鐵定係個Chef溶完雪直接上碟比我地食，仲不停出緊血入面全紅色，好意外我居然個陣無影到相，定印象中係大家話唔好影怕尷尬=p，同上面第一幅圖一模一樣，大家面色一沉你眼望我眼，好！我身先士卒帶頭食先！食一啖已經有點兒反胃感覺每一啖都係血水，但係叫廚房整過又唔得噃！呢個係餐廳佢地既堅持翻煎就會無晒肉汁有違原則，所以每次點餐前都一定會同客人講清楚會係Rare唔得唔好Order，但係見圖示，根本係Blue Rare....囉！！So，大家都真係食得3分1，諗返都覺得好浪費，無奈真係生吞紅肉唔掂，成口血水。 澳洲既天氣實在太好，萬里無雲，我d皮膚已經頂唔順，全身皮膚都又熱又痛似乎晒傷左仲一粒粒，實在萬里無雲直接比太陽日晒夜照，痛到行唔郁好辛苦T_T.....另外傳說中一直有跌無升既澳洲紙，跌到而家得返7.6喳!!!
