下一站→ Phillip Island__* 唔知點解呢隻碗蛋教我寧舍印象深刻，覺得世界上真係無奇不有=]。食完呢隻碗蛋做早餐，突然就忽發其想，原來眨下眼就已經踏入旅程既第四日，感覺似乎都未有充實過....成個腦就只有機程12個半小時同琴日車程個12小時既深刻回憶.......硬係覺得有點失落同空虛感....然而旅行最驟忌係初來報到時個份熱情消退，唯有寄望，希望在僅餘最後呢幾日....喇..." 第一站導遊就好爭取時間咁帶我地去到Victoria既第一個景點， ▷石▷雕▷像▷ 「嘩，呢尊石雕像就犀利喏！！～佢打過仗係ｘｘ年代既烈士黎(即係打敗仗喇....一_一)！你地一定要快Ｄ影相！」你去幫呢尊石雕像影相又好，又或者你同呢尊石雕像合照，都得!導遊講一句，你就按一下快門，咁就完成一個景點，得左，總之就真係放低你響呢尊石像隔離影張相然後叫上車.................................影完呢張相之後，我對接下來既行程都已經不再作任何期盼了。 點擊圖片放大 旅遊巴緊接住唔駛五分鐘，已經去到呢個國會大廈Parliament House影相，對面呢座一格格好多個窗既，係一間叫Hotel Windsor既酒店，就好似香港間半島酒店咁上下歷史同樣都算係地標之一，酒店前面仲有一輛輛呢類觀光火車叫City Circle既響地面行駛，係幾特色既，欣賞一下就ok～不過呢個時候有位團友突然大聲叫喊「嘩！！好神奇啊！！我覺得火車響地面行真係好神奇好有特色！！快d跑去前面影相啦！！」聽罷既那個Moment，唔知點解我Feel到自己眼角有滴淚，終於有鬼佬對住我地笑！係恥笑T_T 又上車，然後我地出發去第三個景點，費茲洛花園Fitzroy Gardens度參觀下，散步道兩旁同四周圍都係好高大既榆樹形成既林蔭大道，然而響鬧市中心附近可以有個咁寧靜既綠油油草地比你放空優悠一下係幾寫意既～我都挺享受呢種悠閒既時光～順便又可以反省一下，其實我黎墨爾本既目的究竟為嘜(?!說笑) 再往公園深處再走入一點，就會見到一間好特色既磚屋～好似童話故事入面個ｄ柴屋咁既?原來真係有名堂～呢間叫做咩庫克船長小屋cook's cottage既地方，就係呢位船長由出世到成長所住既地方，不過呢一磚一瓦都係英國度原封不動搬過黎Melbourne展示，咁庫克船長又係嘜水呢??佢全名叫James Cook，係第一個標記澳洲呢片大陸既航海家(好似係)，所以都被譽為係澳洲既建國之父，呢d先叫有紀念價值既石雕像架嘛！！(嘩好叻啊呢d歷史我都知～哦～維基百科喳老友=p) 咁就完成左既三個景點，不過唔睇返唔知，原來三個景點都只係同一個Area既延伸徒步亦可，座左上巴士真係唔覺唔覺～搞Local Tour又幾易賺噃～ 接下來係雅拉河Yarra River之旅～有得座遊覽船觀光噃～不過前一晚決定自費節目既時候，呢項座遊覽船遊Yarra River之旅費用實在高昂得過分！好似要每人3xx港幣，如果座左真係返香港賣血都唔掂！所以導遊就言語上啪擊我們呢堆窮友說「無錢上船既團友，咁就麻煩響我地呢條咁著名既雅拉河附近打發時間等我地回程啦～」我認我窮丫，吹咩=p 「導遊，著名既雅拉河呢？」「呢～咪呢條囉～咁大條都見唔到？？(泥黃色呢條)」 「.....咁.....我地隻遊覽船.......」「咪呢隻囉傻豬們～(真係傻豬豬了)」 唔知點解響碼頭目睹住團友們上船向佢地揮手道別個剎那，我真係好鬼死爽咀角暗自上揚，我心地真係好鬼差，話我咁蠢難得可以遊覽著名雅拉河，我少少錢都唔肯花丫喇:p而一樣付不起錢上船既另一Group團友，都調轉頭掩著咀巴偷笑「笨友是如何形成的」，我瞄到你偷笑。 點擊圖片放大 目送住呢班，臉上完全充分表現出正要被賣去南洋既團友上賊船後，我去左雅拉河旁邊既露天咖啡座，嘆左杯，特別特別覺得醒神而又充滿充滿濃烈咖啡豆香氣既熱烘烘Cappuccino=]，一邊欣賞住呢條所謂咁著名既雅拉河～真係～好___鬼死靚風景～真係好___鬼死優美架者=]， 連杯Resberry Soda都特別好味超好飲!!!又可能係型佬哥哥沖得寧舍好飲(羞) 點擊圖片放大 +2 漫步於河岸旁邊寫意得很~又響呢個聯邦廣場Federation Square參觀下影下相~ 點擊圖片放大 +3 響Melbourne呢個咁熱鬧既市中心度優哉悠哉地閒逛大街買左一兩件衫~仲去左，成日都響地下執野黎食，咩屎都話可以放落口食既蔡瀾食府，嘆左碗越式生牛肉河，雖然貴，不過D牛骨髓又真係幾好食噃!!! 點擊圖片放大 然後導遊帶我地上左Skydeck 88觀景台飽覽呢個Melbourne景觀~終於都進入我最期待既環節，去Phillip Island既企鵝島啦!! 點擊圖片放大 +2 去企鵝島之前，先帶大家去左Panny朱古力工廠睇下朱古力生產製造過程~入面每個角落都係朱古力既藝術作品~ 呢類既朱古力試食機仲總有一部響左近~~永遠都要排隊先有得禁黎食~無限食架!!你塞得落就得啦~嘩開心死人真係~我搵返我既童真好開心耶XDDD 仲用呢部機自製左隻wasabi朱古力~首先就係右手邊投幣~然後揀想要溝出黎既朱古力~接下來機器就會自動轟隆轟隆咚咚咚，眨下眼wasabi朱古力就響左手邊伸手接住拎得啦~味道呢~就真係挺古怪到唔識點形容~不過部機就真係好神奇好好玩~~抵你入錢~~ 點擊圖片放大 成個製作過程參觀完畢~響工廠既出口處正正就係超美味超好食既Panny朱古力專門店了~嘩~~~花多眼亂真係好想買晒全部去~~真係好好~好好好好食~~牛奶味超香濃~朱古力甜而不膩~奶粉味又濃郁~我真係~好忍手!好忍手!都忍唔住最少最少都一定要買到咁多!!真係好好食啊!! 臨離開之前仲每人可以用朱古力機，自製屬於自己英文名既朱古力~咩話Miu字你睇唔出??緊係啦藝術呢家野你識舊鐵咩~=] 點擊圖片放大 +2 仲未到夜晚時間未去得企鵝島住~導遊帶左我地響企鵝島入口處，既附近呢個Cowes Jetty沿海既鄉村小鎮遊覽下~~四周圍都係海鷗漫天飛~沙灘更加係超靚景~~沿海都係一棟棟純樸小木屋非常寫意，雖然沿海地方加埋海風真係好凍，但係陽光照射住居然半點炎熱同晒既感覺都無~真係用溫暖黎形容丁點兒也不覺得熱~呼~真係好想搬黎呢度住~第一次有衝動不如留係度做黑工隱居返三五七年唔好返香港啦~我響度拍左今次澳遊之旅最多既無限寫真靚相~ 點擊圖片放大 +2 導遊叫我地搵d野食先因為企鵝島無野食架~所以就好隨意咁入左呢間專食Fish & Chip既小店~另外叫多份Beef & Chip~天啊.....係咪真係咁肚餓???係我目前為止食過，最好味既Fish & Chip!!個隻味我一定要慢慢搭真d，因為一定無下次既機會有幸食到!除非我再放血黎墨爾本玩啦!! 點擊圖片放大 踏入呢個黃昏時間，代表差唔多時候要入場睇企鵝喇~臨入去最深深處既企鵝島之前，導遊帶左我地去一個無海獅睇既海獅島度欣賞日落景色，我好記得當時我望住眼前既呢一片境象真係覺得好滾動覺得難以置信，不禁眼泛淚光， 點擊圖片放大 我居然有幸睇到呢一幅，唔係親眼見證一定唔敢相信既一幅4D藝術畫，覺得呢世女有幸黎到呢度睇到呢個景色，真係不枉此生要我死係度都覺得心甘情願。 突然之間企鵝島都唔願去了，有無可能會靚得過此時此刻，無奈這兒海風真係好大好凍!係凍到手腳麻痺無知覺咁凍，導遊都話我地聽佢電話正顯示氣溫正徘徊2度之間，叫團友們唔好再吹咁耐，係時候要趕入場睇企鵝BB回巢喇~而我都真係瞪時可以吹爆甲，突然塊指甲真係乾到裂開兩邊超痛! 由於企鵝島內除左手信區之外，場內所有位置都唔比影相怕你嚇親D屁股Penguin，所以我只好用筆墨來形容個流程~大家用想像空間去構想出來喏!! 過左手信區之後職員打開柵欄，就係眼前一片一望無際既海洋伴隨著淡紫橙色的黃昏夜景，而我地身處位置係同海洋劇場一模一樣，就係正正對住眼前既呢一大片淡紫色海洋，望住眼前既海平面齊齊找有利位置座低等候~天色逐漸變得昏暗，大家都抱住既緊張又期待而興奮既心情，大家鬥快往沙灘上面每一個角落去搜尋企鵝們既縱影~呢個時候台下有觀眾大叫:「我看到啦!!在前面!!前面最右手邊!!我看到有一隻爬緊上水!!!好可愛啊!!!!!(當然因為佢係我地既大媽團友所以聽得明)」，而職員都溫馨小提示大媽請將音量收細唔係會嚇親D屁屁~果然，右手邊開始有三五成群既企鵝正非常蠢鈍咁舉起對翼，正排成直行列隊跑緊上水面漫步沙灘~第3隻屁股瞪時好戲劇性咁真係Cake親肚腩掂地爬唔起~其他屁屁亦都非常冷漠咁繞過笨鵝行上沙灘既另一處小徑消失了。 「甚麼???已經沒有啦??就這樣子沒有了嗎?」大媽問道，呢個時候只見場內其他有經驗既外藉人士已經好醒目咁先拔頭籌，朝住企鵝們剛剛消失既小徑一個箭步衝過去! 「而家先至係重點節目啊!!還不快點跟著跑去!!!」 大家果然一窩蜂跟住人流跑去，果然!!原來企鵝島特別之處!!唔係遠遠觀看企鵝上水回自己巢穴!!而係近距離以不觸踫得到既距離去親近佢地!!!! 點擊圖片放大 成班響澳洲土生土長既企鵝真係好細好細隻得手掌咁大隻超級迷你兼可愛到爆炸，隻隻都丁屎咁大隻~~大家齊齊一直跟住呢班企鵝身邊行，發覺佢地真係好鬼死蠢蠢到好鬼死揪心~~一路行行幾步又跌一跤，行多幾步轉個彎又跌一跤~~不停左右左右完全一d平衡感都無跌唔停~~~偶有仲傻頭傻腦明明前面隻企鵝停低左，後面個棚仲一齊撞上去XDDD!! 有機會手頭又尚算鬆動既，真係，不妨去一轉Melbourne，保證你一定唔會後悔=]
