下一站→Melbourne__* 本來我要將張相打黑白灰架啦，唔係都唔知點表達我心情，一大清早7點正已經趕住要去華英茶樓外邊集合!因為我地報左個Local Tour去墨爾本四日三夜，點解7點一定要出到發咁早???重點來了，因為我地要搭旅遊巴去墨爾本， zzz重覆zzz >>>搭旅遊巴 >>>>去墨爾本 >>>>>兩地距離868公里 你有3個選擇: 飛機一般所需飛行時間為 一個半小時; 火車需時五至六個小時; 至於巴士喇噃............................=] 咁一上旅遊巴既時候，明明仲見到4Group人通通都係香港人來，個一剎那係幾咁滾動增添親切感你知道嘛，點知每停一站香港人就少一Group落晒車，取而代之係不同膚色種族同口音既強國大媽上車，都仲未離開悉尼既範圍，四Group香港人已經變晒一整車既強國大媽.___.|| 點擊圖片放大 沿途上一直有牛羊鴨相伴不亦樂乎，為我沿途一直只得一片茫然既綠色草原上面，生色不少牛羊鴨既黑白灰顏色，但同時亦因為一直南下都係保持住綠茫茫一片令我徬徨過懷疑過「究竟司機有無開過車....」，沿途上亦從來一點變化都沒有，所以每次見到牛羊鴨我都會興奮莫名，原來我架車真係郁緊，我唔係孤零零的，另外，原來澳洲公路上兩旁既樹真係會自焚@_@，一路上見到好幾棵會自己著左火，一直只係聽過話因為澳洲既天氣實在太乾燥，呢條公路兩邊既樹木都會偶有自動著火，當地人早就見慣不怪，但係我呢個鄉里真係大開眼界! [又係牛]非常煎熬既車程避震更加惡劣得很，好暈好唔舒服腳又痺痛，整整12個小時座左，最痛恨的是我呢一雙短腿，真係吊足我全日車程FingFingFing踩唔到地伸直腳尖都掂唔到地下，淪落到我要將自己個背囊丟落腳底比自己踩住先至會雙腳著地(義肢既原理)，係幾咁羞辱自己既一回事我告訴你，對腳就一邊痛，一邊咀咒究竟邊個設計埋呢啲咁唔文明既高座位!! 好彩旅遊巴上面有附設呢個電視一直播緊”保持通話”，劉燁真係型到爆炸!!多得劉燁我呢個車程先至無咁難捱有丁點兒安慰!!劉燁真係帥呆酷斃耶!!呢D先叫型佬架嘛!!!!Yeah!!! 終於都停車喇.....不過只係中途休息加油站，只得一間Hungry Jack點都食住頂頂檔先啦....嘩!!出乎意料之外超美味既原汁原味漢堡!好好食啊!!一食就上癮停唔到口!!堆強國大媽完全半句Hello都唔識講，一場團友幫幫手，突然做左Hungry Jack公關要幫佢地逐個點餐點解要??連去便利店買個火機都千里迢迢跑黎叫你幫佢買，嘩!!真係老奉咩咁多位大媽??? 今次真係搖到去墨爾本啦!!導遊帶我地去市中心自己各自搵食!!夠鐘時候到落車點集合!!咁緊係唔敢亂走啦點識路呀!!有得揀一定揀落車位前後左右餐廳食啦係咪先!!點知呢個團會唔會臨時開車走人掟低成班團友嫁?! 點擊圖片放大 +2 無得揀，隨便入左一間Pizza店食，食飽飽漫步一下墨爾本城市 黎到呢間本身要入住既Motel居然會發生此等事情講都唔信!!!唔講澳洲唔係排華國家一定無人信!!!收晒錢居然臨時話拒絕接待被拒入住噃!!!話佢地只係招待本地既Local Tour，即係只接待返外國人既Local Tour噃!!唔係呀化???咁點呀???導遊哥哥同個大嬸交涉左好耐，最後好似話要加錢先肯勉強接待，費用當然旅行社自己硬食!! 然後個大嬸先至非常心不甘情不願咁，招待我地成個團去Motel另一邊，相比新翼係非常殘舊既建築物(類似舊翼新翼個d啦),全部人仲要各自分開住，意思即係，A君B君C君住X區域東邊既建築，D君E君F君則要住西邊既Y區域建築，就是全部人散落到不同地方和角落! 點擊圖片放大 不幸中唔知算唔算大幸，分派左一間Apartment比我地，肯定既就當然，係非常殘舊的建築物吧。好彩，Apartment入面都尚算叫做整齊骨緻，不過諾大的房間令到我非常不安好唔舒服，果然夜晚仲惡夢連連，一合埋眼就四肢癱瘓但頭腦嚴重清醒(俗稱既鬼壓床)，完全無辦法定應該話係唔敢訓，就算眼睏到睜唔開眼我都唔敢訓，只好一直迫自己保持清醒寧願刨通宵電視，點知一打開電視居然播緊.... 我想講，據我當時對呢套片所認知的，係話呢套驚懍片係直至現今為止，票選最多既第一名最恐怖既喪屍電影，高速喪屍就係由呢套始祖喪屍電影創建出來，片段圖片我都唔敢Post上黎，有興趣打《28日後》你就會完完全全領略到我既意思，個畫面到而家我仲好清楚記得，岩岩做到隻喪屍從大門行入民宅，正要食左正響大床上面訓到眠一眠既人，有無咁岩呀??????人地訓覺你又訓覺，知唔知醜架!!! exactly除左顏色之外佈景完全係咁，睇到呢度我差點就崩潰拿臨熄左去，可惜我實在熄得太遲，由個一秒鐘開始，我就不停凝住自己度房門有無野走入來，天啊諗起個晚都痛苦不已煎熬非常，死盯住度房門大半晚少少聲都嚇到甩皮甩骨，不知不覺驚驚下已經累到無知覺訓著左....不過好快又已經醒返...無聲實在教人極度不安唯有再次打開電視，唔睇電影台咪得，結果，我睇左近半小時天氣報告..............個首背景音樂成為左我既安眠曲，唯一那丁點兒安慰送我入眠，個心當堂定返晒寧靜返晒又試不知不覺訓左，純音樂名稱係”act two” celtic thunder，可惜上Youtube都再也搵唔返無因由的....
