下一站→澳洲悉尼__* 原本係撲到平機票，先把妄想轉為實現，心血來潮飛去呢一個，無諗過會響自己25歲之前就實現到，去呢個位於南半球既地方---拗大利亞Australia=]就響萬事俱備只欠東風既出發前一日，無奈出了點大問題.................就係咁，憑那僅餘的積蓄，買左我呢世女唯一一張最貴既機票，幸而澳洲那邊的朋友都Ready好八日份量既麵包過我捱！如示者小女就這樣淌著滿身鮮血，頭也不回直奔到呢個__*人人稱之為「排華問題極嚴重請你慎之」既國家了！ 原定搭Qantas夜晚8點機，無奈已經座定定機倉內等起飛既時候，先黎廣播話緊急電力維修，說時遲那時快，冷氣同引擎就此告吹了近1小時被困機中，剩係不停無限量派花生諗住就可以安撫到乘客，久而久之大家都困獸鬥地搶氧氣…乘客們都鼓譟起黎要求入返機埸等，卻無奈不被批准剩係比你響飛機上面食或者痾…大不了打開晒d窗同機倉門比你抖抖氣..." 12個半小時既煎熬，機程終於完成(8小時機程+1個半小時搶修+時差3小時)，歷經了近24小時不眠不休，我連鏡都唔敢照一下驚自己嚇得仲精神多幾錢重，剩係擔心過海關時會唔會被誤會我係黑工....因為朋友們曾貼心叮囑我，d海關唔係人咁品，見你迴避佢眼神就當你目的係黎做黑工，會Call人抓你去搜身翻抄你行李袋，個剎那我真係淆....因為我唔駛望都感受到自己正油頭粉面當中...仲點有面目同海關叔叔四目交投呢..... 果然海關叔叔拎住我Passport好一陣不停核對我個樣 _________________＿ ＿____________ | H.K.S.A.R | |___ARRIVE___＿| | (◕ ౪ ◕) Name:xxx | ⇒ |___ _________＿___ | ___(థฺ ౪ థ)___ 「You？」 「....Yes....」 「 Tourism? 」 「.........Yes Yes..............」 一出左悉尼機場之後Uncle Kenneth同Auntie Elva已經泊好車，仲有佢地個寶貝女Elita！(*hug)岩岩返到屋企放低行李響門口走廊喳(過左度木門)....Auntie Elva已經非常雀躍咁叫拿臨上車！已經出發趕鴨仔團既第一站___*Kiama睇Blowhole Blowhole噴水洞係Kiama最著名既名勝，去到既時候已經聚滿左好多遊人齊齊睇水！ 「有咩咁特別啊？」 「Blowhole,原先係個巖石群，因為長年受海水侵蝕而穿透出黎既一個窿，偶然當海面湧黎大浪既時候，水柱就會響個窿仔入面往半空激起，最高距離可逾近百呎架！係一個會發出震撼性既聲音既一個噴水巖洞知道嗎？」 「嘩！！好期待呀！！有近百呎既，咪好似水龍捲咁？！嘩嘩嘩！！」 「黎啦黎啦有啦好似！！！睇下！！」 點擊圖片放大 ＿＿＿乞嚏＿＿＿* 其實真係有試過近百呎既(見介紹牌上面張相)，不過有無幸睇到咁壯觀既百呎水花四濺景象就真係睇你彩數，而我地幾個都等左成半個幾鐘，先有幸等到呢個小噴嚏應該都有兩呎既，下次等多十零個鐘應該就會見到百呎架啦～睇住人地張相黎過住癮先啦～ 然後過左隔離既燈塔見識見識觀光一下影下相～呢個古老白色燈塔有成12x年歷史！係1887年起架！背景Background如果搭埋呢個黃昏無敵大海景既，構圖一定靚到無得頂！ 仲居然撞岩有對新人準備響度影婚紗相，旁邊泊住一部超懷舊復古既老爺車！酷斃了=]然後又響海邊吹一陣風～懸崖邊居然發生意外有人跳崖？？？個個第一時間拎起相機或者手提影住，只見懸崖啄啄處既超帥又酷既外籍帥哥，只露出一絲淡淡的笑意望住眼前既腳底，一躍而下 點擊圖片放大 +3 離開左呢個滿有自然景色同歷史風情既海濱城市，不消幾分鐘就到既附近一個市中心，雖然叫市中心，但係四周圍依然係充滿呢個閒逸既感覺～每幢建築物都有過百年歷史～ 點擊圖片放大 Elita呢個時候就拉住我跑左入一間極邪惡既雪糕店，點邪惡？無一隻味道我見過！ 點擊圖片放大 「呢度d雪糕真係好好好好食架！我成日都要食幾Scoops，Miu姐姐你識唔識英文Scoops即係點解？」 「....識=]....」 「我每次黎呢度～爹地媽咪都一定帶我黎呢度食雪糕！好大球架！！」 我第一次響雪糕櫃前面企左5分鐘，Elita準備食第二杯了，無奈我沒有quota，沒有這年輕時獨有既專利了，離開Kiama之後駕車回程期間 Auntie Elva突然發出比較有震撼性少少嘅聲音叫「停車呀！」，然後就好似小朋友咁超興奮地直奔去旁邊，既呢個類似加油站既中途停車場位置。 點擊圖片放大 「係Fruit Market！平時好難遇到有開！！另外隔離賣既Pistachio Biscotti都超好食！快d試下！」 呢個Fruit Market一睇就知道，平時真係好難遇到♡ 雖然甜到漏不過真係真係好好食～搵唔返既味道～Auntie Elva話唔係咁易食到，仲一餅難求！「我都好鍾意食Pistachio Biscotti，Miu姐姐你明唔明英文Pistachio Biscotti即係點解？」「...明...=]」「Pistachio即係開心果，Biscotti即係脆餅個d好似鬆餅！」 點擊圖片放大 +2 差唔多已經黃昏時間，下一站出發去呢個咁地標性既景點悉尼大橋，旁邊放置著就係呢個久仰大名既悉尼歌劇院～就讓我們好好的＿＿往對岸遙看..... 還有對岸呢個笑得好猥褻既小丑大叔既大頭Logo，就係有名既老牌遊樂場Luna Park，又叫做 月神公園， 「我好想過對面Luna Park玩呀....個Clown既公仔好易認～Miu姐姐你知唔知英文Clown即係點解？」「...知...=]」「我自己就好驚Clown嘞，而Luna Park係一個遊樂場黎～不過我都未去過！」「好喇Elita你做咩成日問姐姐呢個英文識唔識！知唔知好無禮貌」(exactly) 返到The Rocks準備開飯，見到一間超多外國人多到要座晒出黎，好似大排檔咁既露天餐廳，諗住咁多人食實無死喇，點知一行去門口，個侍應即刻跑出黎擋住我地問我地拎Passport先比進入，Uncle Kenneth瞪時都呆一呆話住左澳洲咁耐，未試過遇到d咁既情況，咪話只係準備入去食飯，個侍應不停搖頭唔比我地入，叫我地個個出示Passport仲要比佢地扣住，食完先會比返我地噃！嘩！我都係第一次聽到ｄ咁既用膳規定，大家都你眼望我眼，莫非我似黑工咁大鑊？？... 就係咁我地決定去第2間食自助BBQ，無奈餐廳滿滿是人，偶有些許吉位也是沒人座的，可是，侍應竟然領我地走到餐廳最最最最最最盡頭既一個陰暗濕濕的角落位置，還正正是廁所入口隔離，Uncle Kenneth問可唔可以座其他位，明明周圍都仲有吉位啊，侍應話全部有人Reserve唔可以就調頭走了，就係咁Uncle Kenneth只無奈表示「早點吃飽就離開算吧」 齊齊食左餐，食之無味棄之可惜既BBQ晚餐，食飽飯往四周閒逛散步一下 點擊圖片放大 +2 返到屋企原來Uncle Kenneth間屋仲有個Backyard，沖完涼就緊係去懶文藝一下睇星星飲返杯...熱牛奶=]點知失驚無神咁驚嚇，黑暗中響圍牆角落，突然跑左個小妹妹出黎，另外仲要有BB喊聲嚇到我腳仔軟，呢個時間Auntie Elva咁岩黎Backyard拎住份晚餐，食飽啦噃仲食？？原來.... 「介紹一家人比你識～你岩岩有無見到啊？我地Backyard另外仲有家人分租係度住～個晚餐我地包～跟我黎～」好彩原來轉彎處真係有間用貨櫃箱改建出黎既住所，入面住左個叫Anita既媽媽同埋佢對仔女～一個手抱BB仔得兩個幾月，一個得４歲既小妹妹～不過兩個都怕羞得濟匿埋左被窩入面見唔清楚了～ 而我都跑返我間樓底超高，又藝術感十足既閣樓房去訓覺了～ 突然Elita敲門入黎，抱住隻兔公仔同我呢個素未謀面既姐姐Pillow Talk?? 「Miu姐姐你識唔識彈琴架?」 「我?上過幾堂算唔算=p唔識呀...不過我知道你彈得好叻~」 「你好似一個一直教我彈琴既姐姐啊，佢叫做May姐姐，同你個名差一個字~我好鍾意佢架!不過我升左Grade之後佢無教我彈琴啦，你真係好似佢」 「哈...哈哈~係咩係咩?我都想係佢有佢咁叻教你彈琴~我唔識呀~」 「但係你真係好似佢!把聲都好似!!...你真係唔係佢?」 個剎那連我自己都有點混淆，莫非我響完全不知情既情況下失過憶?XD 「傻妹...~我唔係May姐姐呀，我最多識彈首瑪莉有隻小綿羊」 「咩叫瑪莉有隻小綿羊....有無英文架？」 「............Mary had a Little Lamb...........好似係....」 「哦，咁你可唔可以呢幾日都座響隔離陪我彈琴練習呀?我好掛住May姐姐想佢陪我彈琴...你可唔可以做住佢先」 睇見佢眼中個一絲落寞既眼神同非常失望既表情，真係巴不得不停問自己點解唔係May姐姐呢... 「你唔怕我響旁邊會礙手礙腳彈唔到琴既，當然可以=]」 就係咁，個晚就陪佢響廳彈左幾首歌我做旁聽~一邊聽佢開心Share同May姐姐之間既二三事~ 仲幫佢拍左兩輯鋼琴獨奏既Music Video喏~
