地點:Bangkok--->HuaHin 今日原定出發自駕遊去"摸蜆"(HuaHin)3日2夜! 點知大佬琴晚同佢個Fd(即係今日既司機大佬) 突然通頂響天台對酒當歌不醉無歸! 有咩心結咁睇唔開，點揸車啊咁今日???2個幾鐘車噃! 由於車程太遠，所以搵個中途站休息Hea下先~ 去左食M記~竟然有我最愛既香芋批!! 仲要新鮮滾熱辣燙咀的! 咬一啖噴晒出來~ 我決定要將佢改成往後日子既茶點~ Bangkok---->HuaHin 原定所謂既2個幾鐘車突變成5個鐘頭都黎緊 司機大佬你究竟載我地出國定點? 架車沿途一直都非常巔岥起伏... 可以下下都拋離個位.... 咁既情況下我居然都訓得著東飛西撞...終於.... 娘親突然拖住我驚我飛出車...個一剎我差點要哭... 阿娘對上個次幾時拖住我...好Touch啊.... 媽媽隻手依然咁軟~~扮訓唔知醒先~=p 好難得終於聯絡到娘親個Fd指引大家了.... 然後佢就帶我地去佢個仔間露天酒吧Baanbar同娘親聚舊 間酒吧請既全部只有女，個個緊身小背心+熱褲， 睇到大佬同佢個Fd對耳仔郁唔停好明顯.... 不過成班女都唔睬佢兩個~ 淨係圍住好高大既老闆仔團團轉 ♪ 轉轉轉~~ 我就飲左杯老闆仔特調既Cocktail 趁天未黑齊，就駕車返市區搵Guesthouse借宿一宵， 點擊圖片放大 準備沖個涼，點知個花洒d水十足山溪水咁斷斷續續， 真係有衝動改用洗廁所那個強力花洒沖涼....沖到2046...Orz
