Last Day最後衝刺啦!!3日真係太少太少太少喇!!! 出左古亭站搵《醉的小品》，真係搵餐勁搵到我矇... 搵左成粒幾鐘，到我搵到既時候先見到佢門口寫住__「公休」 嘩.............崩潰的說....本書又話出左站行15分鐘...騙人... 行到肚都凹，去左指定鼎泰豐食Brunch~ 指定要金石堂隔離個間先最好食!! 係一個台北司機曾經親口介紹說過的~ 去到之後剛好有幾班日本Tour都排緊隊... 我非食不可!!結果又多花了一個小時排隊....Orz 入到去終於有得座低~我Order左10粒蟹粉5粒黑松 點知姐姐唔比我點???佢話似乎太多... 提議不如幫我修改一下，改為5粒...我又唔係雀仔...點解噃.. 不過我都接受佢建議 我: 好啦好啦，那麼給我5顆蟹粉5顆黑松，另外還要5顆普通的=] 姐: ..........怕不怕太多? 我: 不會，再給一罐可樂，謝謝 好好味啊~~開心死人咩~~食下食下唔覺意篤穿左一粒比姐姐厲到 佢二話不說衝過黎搶左，堅持要重新幫我換過另一粒 結果轉個頭佢拎左一籠過黎，嚇得我大喊一句你幹嘛?!?!" 姐姐先笑一笑打開個籠，原來一粒者~ 不過唔知點解有點失望=[ 食飽左去隔離金石堂打左半日書釘~ 之後過左西門町~非行不可了吧拜託~結果今日Last Day我又比人捷 係個遊學團既馬拉仔，非常小個子，仲好似台灣藝人小炳 佢埋黎吹水打牙較愈講愈High，見佢好似無意欲停口比我走， 落晒咀頭究竟所為何事...我就拜託他可否直接一點點了我趕行程... 說到底就係拜託我買支筆給他賺旅費喇 所以用20蚊買左呢兩支筆就拿臨走趕進度了， 返到賓館拿臨執埋行李趕Check-out，見仲有少少時間剩， 就去左車站誠品係咁易打左個白鴿轉睇下書~ 拿臨去買左張飛狗票飛奔到機場去，好唔捨得唔想走啊!!
