一覺訓到大天光既感覺真捧~ 12點幾出發，一氣呵成去左三個站 忠孝復興、忠孝新生、忠孝敦化 原定係諗住去搵豚屋食早餐~~ 好掛住那些年吃過的奶酪豬扒飯... 結果計劃趕不上進度~我又迷路了~ 所以決定臨時改去第二個地方先， 呢個地方就係我今次千里迢迢黎台北既重頭戲 《聽見幸福音樂盒》 個鋪名真係咁樣，係一間專賣德國Hand-Made音樂盒既店 成間鋪頭都佈置得好靚好Warm~除左音樂盒之外 仲有香薰爐賣~而我主要買既，就係買香薰爐喏~ 最後我買左呢隻~ 蠟燭位需要將小矮人肢解成兩半先放得到~將佢駁返埋之後~ d香味就會響佢鬍鬚底下既口吐出香噴噴煙圈來喏~KAWAII~ 緊接著就當然搵下我女神Mandy蔣雅文間鋪Little Secret 就係靠上面呢張相去搵，不過始終緣慳一面找不到... 我仲有好多地方Plan住去唔浪費得 返到香港至知原來已經結業搬左去台中... 而最後都比我搵返豚屋~~不過居然2點已經落場時間 要5點30先開...唯有返Sogo個邊搵Food Court醫肚啦... 突然響Sogo入面有個自稱係Sogo信用卡Counter既職員上前黎 問我可唔可以幫佢拎住信用卡塊紙牌影相 話影完會比我免費抽幸運大抽獎一次XDD 本來諗住難得異國有奇遇，準備增添下回憶湊下熱鬧咁啦~ 點知話要填返好多個人資料，仲要上個台眾目睽睽下影噃... 佢不斷話無惡意真的不騙人，但係此舉太丟臉吧拜託...都係算啦~ 離開Sogo後就搵路去買阿默蛋糕做茶點正搵路之際， 有個四眼哥哥響條小巷跑埋黎，個剎那真係有點堂突企係度 佢就問可唔可以影張相話免費，問佢點解，佢又比唔到原因， 剩係叫我跟佢去可以嗎?我拔腿就跑了~好可怕好可怕~ 我認我淆底得很~今日去齊晒我Plan住去食既小食優哉悠哉~ 食到飽一飽~夜晚個餐都只係勉強買左盒爭鮮同蔥抓餅食喳~
