日期:25-9-201 通頂到3點半出發搭N42，第一次自己出國旅行 緊張想縮沙的感覺完全丁點兒也欠奉，應該說成急不及待才對。 五點半就到左機場，真係訓齊晒D人響機場....想搵個位座下都無 真係好眼訓...但係36小時Non-Stop已經走唔甩 非買杯StarBucks提神不可...成為Starbucks第一位客人XDD... 嘆咖啡期間仲意外捕捉到呢剎那晨光～心情大好！ 一落機去左客運巴士度格價邊間最抵又唔駛轉車最方便~ 最終都非常順利咁落到車，只是偶然還是有點失向吧~ 第一站搵《新站旅店》Check-in左先但係未夠鐘既緣固， 只好丟低行李響酒店先，落去台北車站地下街醫醫肚先吧! 點知連鋪頭都未開通通....就咁逛著走著就到達中山地下街， 拿拿臨出左站~去左最愛既肥前屋，大大盒鰻魚飯醫肚~~好正啊!! 身處位置周圍都好多唔同既鋪頭逛~走著走著又迷失地下街~XD 近近地去左附近京站Q square時尚廣場逛下~ 遇著一個Sales姐姐同佢吹左好耐水~台灣女生真係好嬌嗲耶~ 難怪咁多男生著迷~拍埋一齊我覺得自己好鬼Man~(羞) 逛到差唔多3點半既Check-in時間，要返賓館抖抖回一回氣先! 因為我要趕得切6點前到淡水睇日落!!點知返房執執下野 連我自己都唔知自己幾時訓著左...醒返時已經5點30...... 拿臨唔理三七廿一衝去車站希望趕得切啦!! 先發覺原來去淡水都要成十幾廿個站...好灰.... 去到淡水時已經天都黑齊...算吧，逛左成個淡水老街~ 逛到差不多夜晚9點幾~~就去左碼頭嘆左陣寧靜既淡水夜景~ 臨返酒店去左買良品牛肉麵+豬肉餃+珍珠奶茶做宵夜~ 真係好好味啊個豬肉餃!!牛肉麵同珍珠奶茶更加係絕配!! 呢個配搭係第一次去台北旅行時個fd教既~真係無介紹錯~
