10日 關西+名古屋 Day 1: 香港->關西機場->京都(清水寺) Day 2: 京都(二條城->天龍寺->八阪神社) Day 3: 京都->名古屋(名古屋城) Day 4: 名古屋(榮->德川園->電視塔) Day 5: 名古屋->奈良->大阪(廣島) Day 6: 大阪->和歌山(紀伊勝蒲->那智大潼)->大阪 Day 7: 大阪(梅田->新今宮) Day 8: 大阪(心橋 Day 9: 大阪(拉麵博物館-> Day 10: 關西機場->香港 事前準備 1. 換10幾萬Yen 2. docomo日本15日上網電話卡 3. App: Y!乘換案內 + 日本旅遊會話 4. 訂機票+住宿 (出發前幾日先搞掂) 5. 行程 (京都2日, 名古屋2日, 大阪5日) 可以話係無準備... 前幾個星期先買機票PEACH 來回關西機場 原本只係想去京阪神, 但發現左有張5日近鐵pass 可以來往大阪,京都,名古屋 所以行程加埋名古屋 Day 1 香港->關西機場->京都(清水寺) 原定01:15 的航班廷誤30分鐘, 細機左右各3個座位, 每個位都比較迫, 小弟173cm 瘦削身形啱啱好夠坐, 架機坐爆人 本身唸住上機瞓教, 但係完全瞓唔到, 機上又無電視, 惟有合埋眼休息 落機大概06:00, 係關西機場T2著陸, 第一次係停機坪落 :-D 室外好凍, 快D入去排隊入境, 排隊都要20分鐘 (其實係我懶得排隊, 坐左15分鐘先去等入境) 由於第一次黎日本,再加上無乜做功課, 出左境真係唔知仲要搭shuttle bus先去到T1 去到T1 見到同一架機D乘客排哂長龍買JR PASS, 咁我就去買近鐵PASS先 近鐵5日wide pass: 5860 Yen 買完返黎仲見到D人排緊JR 8-O 之後去換南海電鐵飛去大阪難波駅 記得睇清楚架車去邊同埋(普通/急行/特急) 如果唔係就好似我咁 唔知自己坐左去邊 哂時間LOL 由大阪難波駅 行幾分鐘就到難波駅 再由難波去京都 (依程開始用到近鐵PASS) 可以換特急卷 由難波到大和西大寺轉車再去京都 終於去到京都, 已經11:30 第一餐, 食吉野家先 其實同香港無乜分別, 係個汁好味D 牛肉飯: 380 Yen 日本吉野家係食完先比錢嫁 慢慢行去民宿,係四條河原町附近, 員工會用簡單英文溝通 :-D 間房好大, 我一個人住哂@@ 休息一陣之後就慢慢行去清水寺 途中經過建仁寺 到左清水寺見到好多人著和服 買左個綠色包 (麻麻地.. 清水寺附近好多鋪頭 有排行 去左試食八橋 行完就返hostel 之後去左食無双心拉麵 係日本既第一餐拉麵 過得去啦 食完就去左四條河原町行街 終於搵到機鋪 唔係彈珠鋪 Day 2 今日用京都觀光1 DAY PASS (其實買巴士pass已經夠,不過我驚要坐地下鐵) 野都無食就出發去二條城 可以租導賞機 沿途講解每個位置既歷史 入二之丸殿要除鞋 之後坐巴士去天龍寺 食杯抹茶雪糕先 行去渡月橋, 見到好多車伕 個景幾靚 行去天龍寺 見到方丈HAHA 再去竹林 無想像中咁靚 行返大街買野食 買左蛋蛋 炸牛肉餅 又食多杯雪糕 今次依杯好creamy 坐巴士去祗園食拉麵 今次濃味D 啱我口味 再加多杯ginger ale 正! 員店仲教我點去燈花小路 原來係八坂神社 + 円山公園 夜晚去公園都可以好靚 DAY 3 10點check out 去京都駅附近食拉麵 (無錯又食) 2間拉麵鋪都有人排隊 最後揀左新福菜館 叫左特大拉麵 飽到嘔啊 不過味道麻麻 坐近鐵去名古屋喇 名古屋比京都現代化好多 行去hostel大約15分鐘 今次間hostel勁喇 係tripadivsor 攞獎嫁 間房好大 好舒服 仲有單車免費租用 休息一陣踩單車去名古屋城 好多烏鴉仲要好大隻 係香港從來未見過咁大隻 可以見到櫻花 之後就去近鐵名店13樓食鰻魚飯 勁好食 鰻魚仲脆脆地 仲會教你點鰻魚3食 食唔飽添 再去食手羽先 + 啤酒 我覺得係土匪雞翼尖HAHA DAY 4 係網上見到張圖係榮站有櫻花睇 不過去到先發現原來係高岳站 係途中買左三文治,蕉食 睇到櫻花啦 好多好靚 仲有D日本阿伯都係度影櫻花 未完
