賤旦短時期內去左二次, 都是又一城分店因為近我家。點解會短時間去兩次呢, 第一次去WG是因為想試個Lunch Set, 點知因為果日是假日沒有Lunch Set提供, 所以散叫。係沒有期望下竟然有驚喜, 食完念念不忘, 更加想去試個Lunch Set。然而好似初戀般, 回憶總是美好。 回憶總是美好的。在天堂的回憶~ WG既麵包是不會令你失望, 一定要搽上牛油, 好食到我可以食晒成個包。 香烤雞肉沙律, 嘩, 雞胸肉滑到好似吃緊雞脾; 呢個是最雞肉最大既讚賞。 墨汁虎蝦意大利飯, 唯一缺點是吃完唔可以開口講野 ~ 茶...喔就是茶~重返人間~第二次Lunch set 洋蔥湯, 盡了全力, 只有1/3完食~ 勁腥, 加埋薯蓉先可以勉強入口; 我一邊食,心中一邊流著淚幾時先完呀; 不停問點解條魚食極都仲有呀, 點解點解… 忘記左是什麼魚, 不重要, 因為我不會再叫魚。(因為Lunch Set 其他野更不吸引, 所以兩個人叫左一模一樣既主食, 後悔到依家) 檸檬批, 成個set 中我覺是唯一可以入口完食的。 搸子批, 過甜。結論, 對的選擇會令你上天堂, 錯的決定會令你下地獄。天堂選擇有沙律, 飯同埋麵; 地獄明顯是魚。以上, 賤旦不負責任報告。
