賤旦家每月最少有一次家庭聚餐, 食咩對賤旦來講好有壓力, 因為兩老對食是好有要求。兩老偏愛北京烤鴨同松子魚, 所以當我地見到個餐牌有北京烤鴨而個價錢又相宜, 就毫不猶豫去按票拿位。 賤旦一家四口叫左2個餐同半隻烤鴨, 好廢話唔講, 立即上菜 隨餐上的菜心, 夠爽。另一碗是金湯海皇羹, 呢個普普通通, 不過不失。 松茸素羹, 正常發揮。 蜜汁翠芋絲, 啤酒既完美配搭。 動感豆腐, 動唔動感我就感受不到, 但是兩老爭住來食。 大家請注意, 呢個窩燒醬汁雞粒燜飯, 是要用搶的。嘩完全有驚喜, 粒粒飯都比醬汁包圍住, 飯不會太乾, 蔥粒既香味, 吃完一啖又一啖。必推之選! XO醬海鮮烏冬, 又一香口之選! 無牙既賤旦爸爸最愛, 但有點辣, 如果你唔食得辣就要小心。雖然辣, 但總忍不住吃完一啖又一啖, 就係咁吸引。 半隻北京烤鴨, 一直有火在下面溫住, 好貼心。烤鴨是好食, 但前面既炒飯同烏冬太驚艷了, 以致烤鴨就覺是水準之中; 你不會覺難食是好食的, 但就是你知道的味道, 食完~呀~個烤鴨唔錯, 然後沒有了。因為大家都仲回味緊個焗飯同烏冬。 仲有一樣野要大讚, 就是如圖配菜大方(呢度是只是一半)。老老實實賤蛋去過好多好貴既吃烤鴨店, 要一隻全鴨配料都不夠義和半隻鴨的一半。好多時, 我地都會不夠配料食到最後只能單食鴨。呢樣大大加分。 198半隻, 268一隻。大推, 賤旦阿爸同阿媽話, 就算搭成個鐘車入東涌食呢間都值得!以上是賤旦不負責任食評。