Haba 我大概用左有5年將近有6年左右, 一開始是用美白精華White Lady; 之彼陸陸續續接觸它的其他產品。我用過的有鯊烯透白美肌清油, 鯊烯美肌清油, G露水, 角鯊柔淨卸妝膏同深層清潔按摩熱膜。現在還在用的有美白精華White Lady, 鯊烯透白美肌清油,G露水同 角鯊柔淨卸妝膏。鯊烯美肌清油同深層清潔按摩熱膜就沒有再用了。原因是用左之後完全無感。講開用Haba呢個牌子都有點因由, 當年我去名古屋旅行時就住在屋古屋車站上面, 樓下就有間Loft。到了最後一日, 我想用晒我身上的日元所以我就去loft閒逛,見到Haba個專櫃。大家都知我對美白既追求是無止境的, 但呢支野又不是話好平, 我加少少錢其實可以有更多專櫃牌子選擇。我都考慮左一陣, 但...但...我身上所剩下的日元剛好買一支, 難道是上天比我的指示, 是緣份呀, 所以… 想當然…我買左。我用左沒有十支都有8支啦! 今日我要介紹既是美白精華White Lady & 鯊烯透白美肌清油呢支美白精華White Lady十分得我歡心, 當然首要是它真的令我面色好左, 白得來不是死白那種而是你感覺到膚色是天生自然果種白像用左一隻好岩你膚色的粉底色的那種感覺, 你明明有化了妝但人地看不出你用了粉底的痕跡果種。我明, 是有點玄。你是不是很心動, 想感受一下呢種感覺, 喔, 你要忍一忍啦。因為呢支野幾年前香港已經不會再引入, 要買只能去日本我次次都在日本買3-4支大支裝返香港用。上圖是細支裝, 好似是當時日本專櫃做活動我買夠一定數目送的, 呢個已經是我最後的存貨了…日本幾時先可以通關?天知, 地知, 但我不知, 唉。在不同的季節天氣我會有不同的使用方法。在夏天時我習慣是早上用左爽膚水, 上white Lady;到了晚上就會上多一層鯊烯透白美肌清油。因為White Lady質地乾爽它有著所有美白產品的缺點就是不夠補濕。所以要加層油, 在試過2支後(我既試真是用晒成枝正常size), 我覺效果差不多, 我就選了透白油。至於點解是透白油而不是鯊烯美肌清油, 因為多左透白呢兩個字羅。第二天早上起身照鏡面上有一層薄薄的油光, 皮膚望落去真的是太好啦吧!誇張地講, 真是好似是用了美肌相機的效果。 用光光~到了秋天同冬天我只會早上用上white Lady加鯊烯透白美肌清油, 晚上就不會用它啦。都是果句, 不夠補濕。以上是賤旦不負責報告。
