隨住年紀的增長，頭髮變得愈來愈少，縐紋生得愈來愈多，唯一一樣無論貧窮定富貴，健康定生病都一直默默地守護住我的只有它～暗瘡!陰公!我曾經爆到要去看皮膚專科，食A酸。最近呢幾年，我可能因為年紀大抵抗力弱，我會生水泡⋯下巴⋯如果要好準確形容，下巴對落一寸位置⋯大概吧。所以我對付暗瘡爛面超有經驗，以後慢慢同大家分享我的爛面血淚史。我用過的暗瘡產品沒有一千都有幾百，曾經我絕望到想到以毒攻毒，一日食二包大薯片要谷爆我臉上的石頭瘡⋯少年你真的太年輕了，但大家能想像到我當時去到絕路的心情嗎？今日，我要介紹來自日本的PAIR ~暗瘡膏，登登登～終於用到最後一支，究竟我家有幾多支？ 終於用完一支～證明了我皮膚最近狀態十分平穩 呢支暗瘡膏我並不是用來搽暗瘡，亦不是用來治石頭瘡，大家一定黑人問號 ，請問用途是? 大家吱完暗瘡或者暗瘡爆左之後，個位置一定會紅腫然後有血水，對吧。呢支暗瘡膏對暗瘡沒有太大作用，但對消腫結焦真是不得了，基本上敷一個晚上，第二天早上傷口就會平伏了一半。我絕對相信是因為我是日文文盲，之前先會誤會左它的用途。結論，呢支暗瘡膏如果你用來對付暗瘡，請放棄吧！
