其實放唔低嗰個，先係最噁心嗰個一齊幾年，一齊住咗3年突然變心，之後所有嘢都唔同晒我放唔低佢，亦放唔低件事，更加放唔低喺分開期間佢嘅所作所為但可以點？有個故事想同大家分享下一個女人平時無乜嗜好，偶然學識咗編織，深深沉迷咗喺入面。一日，坐喺山邊織頸巾睇風景，風景好靚，但女人就完全沉迷咗喺編織上面，織極都唔想停，亦無留意到眼前迷人風景。結果佢越織就越長，長到有一部分已經垂咗喺山崖邊，但女人無留意到。直至因為垂喺崖邊嘅頸巾太重，將女人拉到都爭啲跌埋落去，女人先發現原來眼前就係萬丈深淵，先識得要遠離危險。女人幾經辛苦爬返上平地，望住回家嘅路再望下手上色彩繽紛嘅頸巾，女人竟然選擇咗繼續織。不停織，織到佢帶黎嘅冷用晒，女人就將自己留咗超過三十年嘅長髮作為毛冷，繼續連住咁織落去，明知危險嘅佢，都係唔願意停止。結局可想而知，最後因為頸巾嘅部份實在太重，重力就將女人拉咗落山，臨跌落山崖前，女人都不停掙扎，見到自己原本位置附近，有一把佢自己帶黎嘅鉸剪，但無奈距離太遠，佢根本就已經過唔到去，最後體力不支，粉身碎骨。呢個故事嘅寓意非常淺白易明，但永遠就係一個禁簡單嘅道理，都唔係人人做到。你話女人可憐咩？一啲都唔係！你話佢抵死？追尋自己鍾意嘅野又有錯咩？或者女人到最後一刻，都無諗過要放棄，或者佢見到鉸剪嗰下開始後悔，或者佢心存僥倖，覺得跌落去唔會死。呢幾種想法都有可能每一日我都提醒自己，要放下執著，珍惜自己。講就識得講，更大嘅道理，我都識得講出黎，但…講就易唔係想勸大家要放下，而係希望大家認清自己唔好後悔
