第一次寫Blog，我呢度主要都會係圍繞生活上嘅故事。相信大部份都會係關於屋企入面嘅毛孩，無論係被私有化嘅，定係暫託緊都會喺度同大家分享下。不過第一篇我比較想分享下呢個故事話說幾年前，突然心血來潮想去下旅行，第二日就即刻book機票酒店，即刻飛！去到大阪，漫無目的咁週圍行，見到有個限量版保溫杯，好靚。唔知點解我覺得好襯一位，同佢唔係好熟嘅同事，所以我就即刻whatsapp問佢要唔要。買到返香港，我無收佢錢諗住佢平時都有整下蛋糕返黎分俾同事們，所以當回禮咁。結果，佢第二日買咗一set雪花秀護膚套裝俾我😱😱😱😱真係受寵若驚個保溫杯我真係唔記得幾錢，係Thermos日本限量版，千鶴圖案但我相信個杯點貴都貴唔過嗰set雪花秀😲😲😲驚喜仲要不斷有，應該係話差唔多個個月都有，佢會買啲護膚品擺喺我個位送俾我，知道我屋企人鍾意食花生糊，但出面無得賣仲特登整俾我搞到我真係超唔好意思，所以間中都有買下野俾佢無奈係小女子買唔起咩貴野報答佢。次次都係啲簡單野但佢都好開心所以其實你對人好，人哋真係會對返你好前提係嗰個係人🤪🤪🤪當然動物都一樣會對你好，但呢個世界有啲垃圾，仲衰過件垃圾。🤓
