一諗起食放題 我就會諗起殿•大喜屋 今日咁啱係朋友生日 佢又鍾意食日本嘢 所以我邊度都唔諗即刻走book咗殿😌😋朋友未食過呢間 但我之前都嚟過一兩次 大概都知道有咩食 所以今次除咗黎一飽口腹之外 亦都想破解淨係食刺身嘅魔咒 叫下其他平時無嗌嘅嘢🤣🤣 聽講佢地既熟食都唔錯 今日就重點試下先❤️ 今日黎嘅時候比較早 人數唔算太多 坐低咗之後一如既往咁樣去拎咗小小冷盤 呢度嘅冷盤亦都絕對唔失禮 有大蝦有青口 仲有其他熱食 就咁兜一圈其實都可能會飽左🤣但當然我今日志不在此啦 睇睇個餐單，除咗基本嘅牛舌、雞軟骨、羊架，呢度仲有比較特別嘅乳鴿，最正係有避風塘炒蟹叫左幾樣最想食既野先！松葉蟹腳，避風塘炒蟹🦀，醉鮑魚，皇牌炸燒乳鴿🕊️，薄燒和牛🐂泰式虎蝦， 好似都幾正任食既野 等我叫哂佢地先！😍一如既往5分鐘就到松葉蟹腳今次仲有松葉蟹腳，雖然係腳但都幾多肉，而且鮮甜美味又唔難咬朋友箍住牙都要食同食到舐舐脷，證明真係好食🤣泰式虎蝦 同泰國餐廳食嘅幾乎一樣，肉質緊緻富彈性，味道甜鮮， 而且有冰底凍住keep住鮮甜， 就算食咗其他嘢再返轉頭食都仲保鮮到和牛薄燒🐂薄切和牛烤過令油脂爆發，和牛薄片肉質嫩滑，簡單咁燒完，岩岩夠熟，同埋滲出和牛牛味皇牌炸燒乳鴿🕊️難得係日式放題餐廳有乳鴿，食落皮薄又香口，佢整得岩岩好，咬落去肉汁同油係齒夾之間浪下浪下好正 最難得係唔算太大舊，食完之後留個胃食其他海膽手卷起Menu度係見唔到,要自己出去排隊嗌（都岩既，海膽呢家野枱枱都叫十個都幾係野🤣）好小可日式放題可以任食海膽，海膽控表示開心😋🥰 花雕醉鮑魚encore左三次，酒香味算濃，而鮑魚入味，口感脆嫩彈牙爽口仲有炆花膠又係好大舊呢個蒲燒鰻魚大家一定要試，好腍又無骨， 鰻魚汁好濃好嘢味， 細細舊一口食曬， 鍾意食咪再叫多幾嚿囉🤣 避風塘炒蟹🦀 避風塘炒蟹超多蒜， 而且打開過蟹蟹膏必曬出嚟， 蒜香蕃茄蟹膏簡直係完美結合 ， 呢個大閘蟹時節食真係好正😍天婦羅 & 炸物有齊必食既天婦羅蝦、皇帝蟹棒。重中之重，當然係我最愛嘅榴連波波同芝士波波 榴槤波波我叫咗四粒，炸物們係即叫即炸， 非常好味刺身我就唔多講啦，都係一如既往地厚身又肥美，刺身控首選！飲品及雪糕有不同種類既飲品、啤酒、日式清酒梅酒及鮮榨果汁， 我最鍾意就係佢哋嘅自家製茶飲， 有玫瑰花烏龍頭白桃烏龍，仲有我最鍾意嘅甜品Movenpick 雪糕其他甜品仲有海鹽雪糕杯及韓國蜜瓜雪條等等應有盡有高質放題，下次再黎食先！點擊圖片放大 +8
