點擊圖片放大 +3 終於搵到一間好適合同朋友夜晚傾計嘅燒物居酒屋🏮， 人生有限杯 尖沙咀店有宵夜時段！氣氛同食物質素都有驚喜✨ 店內環境有居酒屋嘅氛圍，燈光偏暗好適合朋友夜晚聚餐傾計🍶。串燒選擇好多，由肉類、內臟到蔬菜、水果燒物都有🍢，調味唔會過重，可以食到食材本身味道😋。 鵝肝多士(兩件)｜$58賣相超吸引，厚切鵝肝鋪係脆多士上面，仲淋上少少黑醋汁🍌。鵝肝入口脂香爆發🤤，唔會太膩，底層多士烘得香脆，中和成個口感，係開胃前菜首選✨。 蒜蓉燒蠔(二隻)｜$58兩隻蠔擺係蠔殼上，鋪滿金黃蒜蓉🧄，灑上蔥花同紅絲點綴，賣相好有食慾🦪。蠔肉夠厚實飽滿，蒜蓉香氣好出，保留咗蠔本身嘅鮮甜，熱食一流🔥，蒜香愛好者一定要試！ 味醂魚干｜$38薄片嘅魚干燒到油亮金黃🐟，切得整齊，旁邊配一碟帶少少香辛粉嘅蛋黃醬。魚干燒得乾香有嚼頭，鹹香帶魚鮮，唔會太硬，係好好嘅啤酒小食🍺。 牛舌｜$56厚切牛舌串擺係花紋瓷盤，表面帶亮澤醬汁，撒上細細嘅蔥花🐂，入面仍然嫩彈，唔會韌，醬汁偏甜香，每一口都有肉汁，係串燒入面嘅皇牌👑。 五花腩｜$20（2串）肥瘦相間嘅五花腩串，燒到帶燒烤焦紋，油份微微逼出，肥而不膩，肉質軟嫩，鹹香調味簡單直接，配啤酒超夾🍻。 蜜糖菠蘿｜$20（2串）燒到金黃透亮，蜜糖鎖住果香🍍熱食嘅菠蘿出奇好食，作為串燒之間嘅小甜品超合適🍯 焦糖雪糕多士｜$48多士切開，入面夾住軟滑雪糕🍨，烤過嘅吐司金黃酥脆🍞。外層多士烘得香口，內裡嘅雪糕遇熱微微半溶，冷熱碰撞，焦糖香好突出，飯後甜品必點，口感層次好豐富💯。 手打檸檬茶｜$28茶底濃厚，檸檬香突出🍋，酸度適中，鍾意無酒精嘅朋友可以揀呢款，解膩一流🧊。 @mono_skewers 🍍人生有限杯.串燒店 🍞尖沙咀赫德道4號Hotel Hart 3樓 #香港居酒屋 #香港串燒 #hkfoodie #香港美食 #燒物 #居酒屋推薦 #hkfood
