雖然時值二月（澳洲仍是夏天），但搖籃山上早已是陣陣清涼。係山上既天氣始終唔夠地面穩定，準備要環繞Dove Lake一周既我地即刻加返件風褸。 我地由酒店渣車去到Cradle Mountain - Lake St Clair National Park既門口就泊底左架車，轉乘National Park既shuttle bus進入呢個國家公園入面。 題外話，黎到Tasmania幾乎每一個重要既行程都係同National Park有關，所以建議買返個National Park既8 weeks holiday entry pass (A$60)。呢度既pass係可以以車輛為單位，佢會寫底你車牌號碼，然後你車上既乘客（最多為八位）都會係該段時間內有unlimited access。 2009年第一次黎同Cradle Mountain無緣，當日既天氣十分之差，滂沱大雨到落唔到車。今次第二次黎到一開始行Dove Lake Circuit既時候都有D陰天，點知到最後竟然放晴，終於比我見到個搖籃啦！ 離開national park之後，我地就返左我地當晚既酒店 — Pumphouse Point。Pumphouse Point 依湖而建（Lake St. Clair），佢既前身係一個1940年左右建成既水力發電廠，到90年代無法再滿足區內既需要而被荒廢。最後係2004年由Simon Currant租下，經過十年既努力終於係2015年被改建為而家呢間充滿工業風，混合左歷史與現代感既酒店。 點擊圖片放大 +3 呢間酒店都幾值得留一晚，係度食個晚飯，欣賞湖邊的落霞。不過要注意係呢間酒店由於結構關係係無升降機，所以如果行李重的話訂酒店的時候可能訂返低層會比較方便喔！ *** Dove Lake Circuit http://www.parks.tas.gov.au/?base=1318 National Park Pass http://www.parks.tas.gov.au/?base=914 Pumphouse Point http://www.pumphousepoint.com.au/ 1 Lake St Clair Road LAKE ST CLAIR TAS 7140 Tel: +61 428 090 436
