離開Launceston後向Tasmania既地標 — Cradle Mountain（搖籃山）出發。 途經第一站是由德國人經營的41 South三文魚養殖場/人參種植場。我地参加左每位AUD$10既導賞團，參觀場內養三文魚的情况，亦可品嚐三文魚產品。商店入面有賣一隻內含人參既調味料"Ginseng Spice"十分受歡迎，可以配肉類、魚類、甚至係沙律都好好味！、 由於同行有位Uncle係芝士既愛好者，離開41 South後我地黎到位於Elizabeth Town既Ashgrove Tasmanian Farm。佢地既芝士係澳洲獲獎無數，如果鐘意食芝士或者鐘意飲牛奶既你一定要黎試下。可惜我對芝士既愛好指數係零，我只好同鋪頭外既牛影下相。 繼續行程，我們會經過Sheffield 莎菲鎮。Sheffield俗稱壁畫小鎮，鎮內壁畫處處，全鎮外牆猶如畫廊充滿藝術氣氛。香港人最熟悉Sheffield既莫過於陳奕迅係拍攝旅遊節目「現代麈世美」既時候，都係度畫過一幅畫架。 黃昏左右我地終於抵達搖籃山的酒店 — Cradle Mountain Highlanders。呢間酒店係搖籃山隔近算係中價，仲有D有廚房既房型以供選擇，對一家人去絕對係優勝之處。因為絕大部份酒店都係位於Cradle Mountain National Park入面，所以入去之前買定食物煮下飯仔就最岩啦。而且酒店係同大自然十分之近，係黃昏前後都見到好多動物（同昆蟲），仲有迷你size袋鼠Wallaby係你附近架！ *** 41South Tasmania 323 Montana Rd, Deloraine/Red Hills TAS 7304 Tel: +61 3 6362 4130 Ashgrove Farm Cheese 6173 Bass Hwy, Elizabeth Town TAS 7304 Tel: +61 3 6368 1105 Cradle Mountain Highlanders 3876 Cradle Mountain Road, Cradle Mountain, TAS 7306 Tel: +61 3 64921116
