由於見到好少人會寫有關Tasmania既遊記，所以就的起心肝寫返上年農曆新年去既點點滴滴，希望可以比d未去過既朋友參考下！ 想當年我去留學之前，Eason幫TVB拍過一個旅遊節目叫現代塵世美。當年佢帶起過一個去Tasmania既熱潮，而當年我都唔輸蝕去過十幾日旅行。而係呢個旅程之後，家中兩老一直對當年既景色念念不忘，所以就開始左今次既Tasmania 2.0啦！ 由於香港尚未有前往Tasmania既直航機，所以只能夠係其他大城市入境再轉機，最後到達第一站Tasmania第二大城市朗塞斯頓(Launceston)。黎到Tasmania，你可以expect係每一日都係去感受呢個State既自然景色，食下當地既local produce。 第一站係BridestoweLavender Farm，一個當地好出名既薰衣草農場。係全盛時期係漫山遍野都係薰衣草，絕對可以媲美北海道既富良野。可惜我去既時候剛剛過了花季，只能夠買薰衣草味既雪糕去自我安慰一番。 大家都知呢兩年好興Tasmania車厘子，但係遺撼地每一個Farm都話車厘子已經off season，所以我地去左Hillwood Strawberry Farm，一個可以比你Pick Your Own既農場。我家兩老黎到份外興奮，摘個不亦樂乎，幾乎每人都帶一盒走。新鮮即摘即食的生果同我地係超級市場買的絕對係兩個唔同既層次，幾多錢盒都係咁話！ 我地係離開Hillwood既時候更加經過一個無名既Cherry Farm，即刻落車摘呢D樹上熟既車厘子！所以鴐駛時記得留意下四周有無D牌仔，因為好多唔出名既farm都會係路邊擺D細既牌仔去吸引遊客架！ *** Bridestowe Lavender Farm Address: 296 Gillespies Rd, Nabowla TAS 7260 Tel: +61 3 6352 8182la Hillwood Strawberry Farm Address: 105 Hillwood Main Rd, Hillwood TAS 7252 Tel: +61 3 6394 8180
