好似我咁精明嘅港媽梗係成日周圍行逛啦今日行經好耐無去嘅Aeon Living plaza竟然有開心大發現！ 依家再唔係人地口中$12店咁簡單，係多左好多唔同類型嘅產品 我發現有我最鍾意嘅Sanrio產品，例如布甸狗、My Melody 、Kuromi之類 。 每件貨品都係賣緊每件$12咋，今期仲有一個可口可樂嘅展銷架！點擊圖片放大 有唔同嘅種類嘅產品，例如：盒、保溫袋等，我喺第二度係冇見過㗎。 除此之外，仲有迪士尼嘅產品，有好多禮物袋。真係好靚好靚！我都忍唔住買左兩包用嚟裝糖比小朋友食啊。所有物品如果冇特別標明價錢都係賣$12 ，如果係比較貴啲嘅通常都係$25，但係都係少量。所以其實$12而家嘅質素都幾高㗎！應該唔係間間$12店都有咁嘅質素，大家都係要撞手神㗎。我今次去呢間喺東涌嘅東堤灣畔商場地下，大家得閒去吓睇吓啦！
