第二日 斯洛文尼亞首都Ljubljana及Lake Bled 出發之前係香港訂定由Zagreb去Ljubljana既即日來回火車飛 火車朝早6點11到出發 我地係搭的士去 都係大約3-40蚊港紙啦 火車站內部 去到火車站仲有時間 買塊Pizza食先 大過塊面!! 而且好平 13蚊港紙到 仲要好味既 上火車 哩種火車同法國既唔同 係好似一個個車廂咁 每個車廂有六個位 (唔記得左影相) 我同朋友要對住咁坐 坐最入 隔離有三個葡萄牙年輕背包客男子 有一個仲無啦啦拎埋睡袋出黎準備訓教 途中係會有出入境 停半個鐘到 有人會上黎Check下護照又Cup下印咁 搭兩個幾鐘終於到站 另外三名男子訓晒 我個朋友拍其中一個 佢地即刻彈起身醒左: 「Oh! Sorry!」 忍唔住笑左 落到車我地諗住去左Bled先再返黎Ljubljana 所以去左買車飛先 點知去錯左買火車飛個到 Ljubljana火車站 我地行去對面巴士站售票處 買左十點半既飛 等左陣就上車喇! 車程大約係1小時20分鐘 唔太記得 巴士站上面會有唔同既牌寫住架巴士會經過既地方 我地都係哩個牌下面等 因為我地去Bled! 搭巴士都無咩好影架喇 沿途我差D以為自己去左鄉村地方 經過好多人地既民居 D屋都幾靚既 到喇!!! Bled!!! 由巴士站後面行落去就係Lake Bled 行落去見到既Café (好似係) Lake Bled啊~~~~~ 悠閒的鵝(?) 行左個Round之後我地去左搭下圖既船仔慢慢搖去Lake Bled上面既教堂仔 [IMG]http://i.imgur.com/AjucXrc.jpg[/IMG] 每位12歐 (斯洛文尼亞係用歐羅 克羅地亞係用Kuna 克羅地亞唔排除遲下會轉用歐羅 因為幾個月之前加入左歐盟) 慢慢搖下搖下 離遠見到教堂仔 終於到教堂仔下面 有30分鐘時間比你睇下 之後再上船 後面個妹妹仔好可愛 其實上到去都無咩特別睇 我地兩個買左雪糕食 Yogurt味好酸 搭返船仔走 再行返去巴士站等巴士黎 今次哩架巴士竟然有Wi-Fi!!! 同埋好少人 但我真係好攰所以最後都係訓著左 跟住就慢慢行下Ljubljana 全世界最細既首都 名符其實 真係好細 點擊圖片放大 其中有D係銀行黎 外圍好靚 Franciscan Church of the Annunuciation 慢慢行到去中心區 出名既景點都集中晒係哩到! 個太陽好唔比面 實物幾靚架 但D相就….. 點擊圖片放大 好恐怖 唔知點解覺得行埋去會有小偷偷我野 所以我企到好遠Zoom近影 Dragon Bridge Ljubljana真係好細好細 所以我地早左好多去返火車站附近既麥當勞門口坐係到用Wi-Fi 差唔多時候去月台 上到月台 不斷聽到唔知咩文既廣播 一路都見唔到架車 夠鐘都未見到 最後係過左接近成個鐘就有車!!!!!!!!!!!!!!!!!!!!!!!!!!!!!!!!!!!!!!!!!!!!!!! 返到Zagreb又好夜啦 我都唔記得實際時間係幾點 應該都八點幾九點幾 我地出去火車站出面既電車站搭電車 唔洗比錢 個Host都係咁樣教我地 如果比人捉就話「我咩都唔知架!! 我遊客黎架咋!!」 我地上到車 都係得好少好少人比錢或者拍卡 其實我地連點買飛我地都唔知 如果你諗住買飛的話 應該係車站附近既士多仔買飛 去到Trg Jelačića轉車 見到哩座野 等左陣再上車 落左車 周圍都好黑 好多鋪頭都閂晒門 我同朋友跟住Host比既地圖行返去 由於個到好多大樹 遮住晒D燈光 我地兩個女仔好驚 最後見到有個年輕女人我地問佢 佢教我地行第二條路 係會兜左路 但都叫見到個條街個牌 我地急急腳咁行 終於返到間屋…. 第二日就係玩命既情況下完結了。
