第一日 今日主要文字為主 Paris(CDG) -> Zagreb(ZAG) CDG機場貴為全世界最差機場之一 本身到埗都唔覺得有咩 入境又快 態度就唔好提啦 指示都清晰 過一排再返去CDG機場搭飛機去克羅地亞 我終於了解到…. 其實好小事 但個指示真係差 我同朋友當時Paris機場睇到顯示邊到Check-in塊板好耐 都係見到佢寫Hall4 但係Hall4成個大Counter都係漢莎 而我地係搭Croatia Airlines Hall4無一個牌 又無一隻字寫住係Croatia Airlines 我地搵左好耐 然後去問人 問人都係叫我地去Hall4 最後去漢莎到問 個職員又無講D咩 淨係叫我地跟住排隊 原來真係同漢莎一齊搭 指示可以寫明有OU471同埋有Croatia Airlines既話會好好多 可能你地會話我「大鄉里 人地都叫你去Hall4啦! 歐洲好多都係咁架啦!」 作為第一次搭歐洲內陸機的大鄉里表示: 機場都應該清楚顯示每班機去邊到Check-in既我覺得… 同埋香港唔係咁架 1730係起飛時間 1725先開閘比人入 可能都係我大鄉里 最後緊係遲起飛遲到埗啦 大約兩個鐘後… 我們到達了Zagreb! 入左境出到去機場外圍 我地唔知點樣去到Airb&b一早訂好既屋到….. 我地一早訂左的士 但遲左到埗 我地又無電話又無上網 唔知可以點 最後上左間的士係集團式經營個D 司機同我地講120kuna 個屋主之前send e-mail同我地講係105-110kuna到 我地又唔知上唔上 最後有個姐姐行埋黎問我地有無野需要幫忙 我地同佢講完之後佢用英文話: 「其實哩個價錢差唔多架喇 係最平」 最後我地都係上左車 司機指住其他唔係集團式經營既的士話: 「They are BAD!」 原來集團式係平好多 散的係呃遊客 終於到左間屋… 要行好多樓梯 上到去間房係好大間 裝修好簡單但係好舒服 屋既主人仲養左隻大狗 好友善既狗!! 去到間屋安頓晒都九點幾十點 我地煮個麵醫下肚 上下網沖涼就訓左 聽日先係CHUR既開始… 順帶一提 個主人係超級好 佢又幫我地訂定聽朝去火車站既的士 又教我地點去買電話卡 幫左我地好多忙
