今日突然想食韓國嘢，就醒起哩個Bookmark咗好耐嘅餐廳，佢有個火山造型嘅飯好得意好打卡able架🤩於是就出發去咗將軍澳食嘢啦🥰哩間韓國餐廳叫 「Seoulmate」，之前有好多Foodie都介紹過🥰 最深刻印象係個火山飯，所以就一直bookmark咗😚餐廳環境都幾大，位置好寬躺，其中有兩個位置係用千秋做成嘅椅，好特別🥰 牆上壁畫同餐廳嘅裝飾都靚💓 坐低叫嘢食啦，我最期待嘅火山🌋飯竟然冇😢 職員話因為疫情關係暫停咗😢 唯有下次有機會再試，今次就試吓佢其他嘢先💓🔸芝士炸雞配飯以前食多數都係芝士碎，估佢唔到係芝士醬，仲要勁多芝士醬💓炸雞份量好多，又大件👍🏻 雞肉好多汁好滑，勁正👍🏻🔸韓式醬油燒腩肉拌飯配糖心蛋哩個超級讚，必試推介👍🏻首先係佢份量好多好大碗，然後有好多配料🥗有菜有蘿蔔有大豆芽有紫菜💓 燒腩肉半肥瘦，燒得岩岩好唔會乾身💓 韓式醬油撈飯一流👍🏻加埋糖心蛋簡直係完美🔸韓山什莓果茶莓味微酸，幾開胃🔸紫薯拿鐵雲山紫薯味香濃，雲山係奶蓋嚟，奶蓋好香好滑好順口💓🔸韓意芝士忌廉雪山班戟超級大份，一個人食唔哂🙈 班戟上面同樣有奶蓋🥰 入面仲夾住香蕉🍌口感好豐富😚另外伴碟香蕉上面有焦糖好香好好味🥰 朱古力味雪糕有朱古力碎，好有咬口👍🏻食完之後仲可以去海旁散吓步💓 真心Chill Seoulmate (MONTEREY Place) (將軍澳)將軍澳唐俊街23號MONTEREY Place 地下G25B-G26A號舖點擊圖片放大 +7 .........#將軍澳 #將軍澳美食 #韓國菜 #韓國食品 #泡菜 #拌飯 #甜品 #香港打卡 #香港好去處 #打卡 #好去處 #打卡cafe #打卡餐廳 #餐廳 #香港餐廳 #食評 #香港食評 #香港美食 #美食推介 #好味 #食好西 #美食 #hkrestaurant #iamfoodie #omnomnomnom #hkfoodporn #ufoodphoto #hkkol #hkfoodie #foodiehk
