香港可以食壽司同Omakase嘅地方越嚟越多，但質素有時都好參差😮💨最近發現銅鑼灣新開左間壽司鋪，無論食物質素環境什至待應同壽司師傅都係同樣高質，等我黎介紹下啦❤️極鮨，位於銅鑼灣澳門逸園中心10樓，地點好就腳好易搵👍🏻 裝修方面好光猛，有一間他他米嘅房間，好適合一班朋友聚餐，落地玻璃透光度好足夠！吧枱位置約12個位，可以一邊欣賞師父嘅刀工一邊同師傅交談，確實係一件賞心樂事❤️我今次都係揀吧枱位置，因為可以一邊同師傅傾計，又可以知道食壽司嘅先後次序，一般由淡至濃咁食❤️ 師傅叫成師傅，好好人，好nice😙透過成師傅嘅介紹同講解，更了解食材，感覺好似上左一課，獲益良多😌價錢方面都好優惠，「12貫。極 」都只係$588 ，當中包括海膽當大拖羅❤️▶️ 12貫。極 （由上到下/由左至右）红鰤鱼配上紫胡椒大拖羅配上黑松露軍曹魚配上三星漬金目鯛配上三星漬左口魚邊配上萬能蔥加少少芝麻黑鯥配七彩芝麻北海道鮮帆立貝鮮石門貝牡丹蝦鱸魚深海池魚配柚子胡椒北海道魚膽食材用料上乘新鮮，採用嘅都係日本直送嘅食材❤️ 特別係鮮石門貝，師傅再三強調食之前要拍一拍佢，因為拍完佢會即時收縮，食落口更鮮甜爽脆😋 （最尾有片可以睇返）之後師傅會建議食左北海道魚膽先，因包住海膽嘅紫菜，有機會因為濕度而變淋左影響口感，所以應該盡快食咗佢😆 坐師傅吧枱仲有個好處係，師傅有陣時會有一啲比較得意嘅想法，會即時幫你創作一啲食法！就好似大拖羅咁，師傅利用魚嘅油份滴落去拖羅度，再進行炙燒，食嘅時候師傅會搵一塊紫菜包住俾你食👍🏻魚油令本身拖羅嘅油香提升，油感十足，但因為用咗紫菜包住，剛好中和油膩感❤️ 拖羅係口入面溶化，而油份衝擊住味蕾嘅感覺，令人一試難忘另外散叫左件和牛壽司🍣用咗鹿兒島和牛 A4 整，只係用岩鹽/豉油燒，已經可以帶出和牛嘅味道，入口即溶而且油份較重，牛肉風味非常濃郁❤️另外叫咗D小食，好似天婦羅同埋唐揚雞腿都非常有水準，夠脆又唔會油淋淋點解我比咁高評分，因為佢地連餐前小吃都係日本直送或者自己醃，有柚子青瓜/紅酒橋頭/柚子蘿蔔，酸酸地，醒胃一流👍🏻師傅仲可以幫客人係日本order一D新鮮食材返黎，咁即使未去到日本之前，都可以食到日本魚生刺身嘅新鮮味道啦❤️極鮨 (銅鑼灣) 銅鑼灣軒尼詩道525號澳門逸園中心10樓點擊圖片放大 +14 ..........#日本菜 #日本餐 #魚生 #刺身 #壽司 #日本直送 #新鮮 #銅鑼灣 #銅鑼灣美食 #高質 #餐廳 #香港餐廳 #食評 #香港食評 #香港美食 #美食推介 #好味 #食好西 #美食 #相機食先 #hkigfood #hkfoodporn #hongkongfoodie #ufoodphoto #kolhk #hkinfluencer #foodiehk #foodiehk #hkkol #hkbloggers #hkfoodblogger
