今日黎到銅鑼灣搵食，路過見到哩間用左霓虹燈整出黎嘅拱門門口覺得好特別，於是就入左去坐啦 一坐低職員就好親切介紹我哋有咩食，原來哩間係一間西班牙餐廳 最近亦都推出左四款Seasonal Fusion 菜 包括：海膽汁及墨魚汁燒蠔，十勝黑毛豚肉燒配彼卡他醬，煎鮟鰊魚肝配羅勒些利酒醋漬汁，柑橘果汁浸漬珍實北海道帶子 另外我地叫左一個main course ，係廚師推介嘅黑毛豬鞍架配些厘醋燒汁伴炸薯粒，兩杯酒同一個甜品 海膽汁及墨魚汁燒蠔蠔肉炸得好脆，爽口配上海膽汁帶出鮮甜美道；配上墨魚汁則中和蠔嘅腥味，兩者食出唔同嘅感覺，非常特別 十勝黑毛豚肉燒配彼卡他醬黑毛豚肉不得了，好淋，柔軟而有彈性，肉汁香濃，清爽無腥味，滋味甘甜，配埋彼卡他醬，將豚肉帶到另一個層次 煎鮟鰊魚肝配羅勒些利酒醋漬汁鮟鱇魚肝係一種日本貴級食材有著「海中肥鵝肝」之稱 鐘意食肝臟嘅朋友真係不能錯過，魚肝口感滑嫩細滑，入口即溶 兩邊微煎，油香十足，加上羅勒些利酒醋漬汁酸酸甜甜，回味無窮 柑橘果汁浸漬珍實北海道帶子柑橘果汁酸酸甜甜好醒胃，作為前菜最好不過，令人食慾大增，北海道帶子表面微煎，味道鮮甜 黑毛豬鞍架配些厘醋燒汁伴炸薯粒黑毛豬鞍架肉質好嫩，無筋，豬香濃郁。炸薯粒炸得好香口 甜品拼盤-水果茶凍糕，炸西班牙油條，肉桂多士貪心的人之選，水果茶凍糕用上士多啤梨，藍莓，盤桑子 炸西班牙油條外脆內酥，濃郁香甜 肉桂多士感覺同肉桂卷有啲相似，但食落去又好似疏乎厘嘅感覺，玉桂味香濃 SAKEKURA （雞尾酒）鹽漬櫻花、日本醃姜、清酒、伏特加、薑汁汽水；味道好清新，帶甜味，好易入口，好岩女仔飲 DAMM LEMON -FRUST BEER （SPAIN）易入口，好重水果味，淡淡嘅酒味，同樣推介女仔飲 寫到黎哩度，希望你地有用心睇我打咁多字，因為哩間西班牙餐廳 值係好好食好值得推介 Tapa Room (積福大廈) (銅鑼灣)銅鑼灣謝斐道415-421號積福大廈地下B號舖..........#銅鑼灣 #銅鑼灣美食 #西班牙菜 #fusion菜 #打卡餐廳 #餐廳 #香港餐廳 #食評 #香港食評 #香港美食 #美食推介 #好味 #食好西 #美食 #相機食先 #hkigfood #hkfoodporn #hongkongfoodie #ufoodphoto #kolhk #hkinfluencer #foodiehk #foodiehk #hkkol#hkbloggers #hkfoodblogger #hklifestyle #hklifestyleblogger #hkfoodies #iamfoodie #omnomnomnom
