閨密,就梗係要見架啦🥰某日碌電腦嘅時候見到香港郎廷酒店同Salvatore Ferragamo聯乘出咗個Afternoon tea,聽講仲係第一次合作🎉即刻wtsapp閨密一齊去啦~今次哩個Afternoon tea 係用咗品牌全新推出的香氛系列「Storie di Seta」做靈感,創作出一共4款嘅甜鹹點,再加埋朗廷自家英式鬆餅同埋提子鬆餅🤤很想要吧~我地依家就黎睇下哩4款嘅甜鹹點分別係咩啦😋 首先用粉色櫻花主調的GIARDINI DI SETA 佢嘅香水味係甜甜的,所以佢相對嘅甜點都係甜甜嘅迷你櫻花士多啤梨大黃蛋白餅,上面仲有Salvatore Ferragamo嘅牌;至於鹹點就用咗鵝肝釀大黃香檳醬 跟住係海洋味嘅OCEANI DI SETA,亦都係我最鍾意嘅味道,配合返海洋為題佢嘅甜點都係海藍色做面而其實佢係海鹽焦糖芝士蛋糕,一啖咬落去焦糖味爆發🤤閨蜜仲專登切開四份話唔想咗咁快食晒👍🏻真係好好味鹹點係龍蝦蟹肉撻拼海鮮沙律同樣連結海洋主題 柑橘花香調嘅SAVANE DI SETA,一種好清新好醒神嘅味道:甜點同樣係好清新嘅榛子檸檬接骨木花撻,酸酸甜甜咁,唔錯👍🏻至於鹹點係燴牛面芹菜頭三文治同樣都比人一種好Fresh嘅感覺 最後係花香味嘅GIUNGLE DI SETA,淡淡嘅花香,係少女嘅味道💕甜甜係開心果覆盆子奶凍,再以蝴蝶裝飾,突顯少女感;鹹點就係露筍奶凍配煙鴨胸、玫瑰花茶啫喱,呼應返香水嘅味道💓 下午茶套餐可以選配優質JING茶品,或加錢選配Saicho氣泡茶或Taittinger香檳。 另外凡惠顧Salvatore Ferragamo「STORIE DI SETA」下午茶(兩位用)的首1,000位客人更可免費獲贈一套四支1.5毫升迷你香水套裝(數量有限,送完即止)。 有興趣嘅你地可以係佢地嘅網話或者電話Book位都得👍🏻哩個Afternoon 做到9月30號咋💓心動 不如行動啦【香港朗廷酒店 x Salvatore Ferragamo「STORIE DI SETA」下午茶】地址 ‖ 📍 尖沙咀北京道8號廷廊日期 ‖ 即日起至9月30日營業時間 ‖ 15:00至17:30;14:15至16:15或16:30至18:30(逢周末及公眾假期)價錢 ‖ 每位HK$398* 兩位HK$688*(此價錢為享用JING茶品,並需另收加一服務費)*資料來源:tap2goodlife.com 點好生活::::::::Follow JenJenJenny:::::::::如果鐘意我嘅分享,記得㩒埋Profile右上角個鬧鐘仔咁有最新貼文就唔會錯過啦 😚仲有仲有,追蹤埋「Jen Jen Jenny 」其他平台,就可以更快咁知道更多飲食玩樂資訊啦Instagram: www.instangram.com/jenjenjenny822 FB Page : www.facebook.com/jenjenjennyblogU Blog : blog.ulifestyle.com.hk/jenblog