Lonely Paisley 係深水埗福華街，開頭仲以為好驚搵，但佢地點又幾方便，就係黃金商場對面行過去都係兩三分鐘左右就到👍🏻 小店係由四位鍾意旅行嘅Backpackers一齊開，咁岩大家都特別鍾意民族色彩豐富嘅國家，而店入面嘅裝飾都係佢地係唔同各國帶過嚟香港。「Paisley」解作腰果花，正正係民族風嘅其中一個元素，而Lonely Paisley簡寫LP，亦係向Backpackers必有嘅《Lonely Planet》致敬。果日係星期日大概下晏2:30去到，成個場都Full人架，前面就仲有2張檯排緊，不過都好快就入到座，大概15分鐘左右👍🏻我有問過職員如果想座出面Tapchan 得唔得，咁佢話可以嘅，但係要等，如果後面有人咁會比佢入先，咁我再問，如果入左之後轉出去又得唔得，咁職員就話要視乎情況，因為佢哋冇限時坐幾耐，所以都要到時再睇，不過都會盡量安排👍🏻點擊圖片放大 +7 餐廳基本上由門口開始已經係打卡位，牆身壁畫由在香港長大的巴基斯坦裔女生畫家默麗雅手繪而成，並以伊朗的藍和烏茲別克斯坦的湖水綠色為主色調，畫上印度、伊朗等特色圖案。門口左手邊欄杆鋪上土耳其地氈，右身邊亦放上唔同嘅書比客人閱讀嘅，前少少有信紙同信箱比你成為一位寫信師！門口位置放咗3張Tapchan，係常見於中亞嘅家具。而餐廳中間有個由俄羅斯空運到港嘅世界地圖，最入面嘅卡位亦都掛左幾塊土耳其地氈頭頂仲有盞好靚嘅土耳其燈❤️另外店入面都有唔同嘅民族衫比客人選購架❤️職員首先安排咗我地坐最入嘅卡位，一坐定已經感受到滿滿嘅異國風情，因為佢連墊檯紙都係民族圖案😍 之後我地開始嗌嘢食啦～Turkish Chicken Kebab 土耳其烤雞肉卷 $68非常足料而且雞肉都好嫩滑，配合微辣嘅醬汁同埋蔬菜，好味👍🏻 Persian Lamb stew 伊朗香草燉羊 $168我知好多人唔食羊，但如果你食羊真心一定要試🤤因為真係好好食，冇羊嘅羶味，好淋好入味，連配菜都好好味 Baby Peach 🍑 Rocky Ridge $58有桃同百香果嘅味道，倒出嚟嘅顏色偏橙，入落口微苦，酒精濃度4%。可能我自己本身諗住佢會偏甜但佢就微苦，所以我覺得唔太好飲 Tonic Coffee $58我唔鐘意飲Tonic，但男朋友話幾好飲，仲話要返屋企試吓自己整😂 Turkish Baklava土耳其開心果千層酥 (2 pcs) $58係試哩個之前，其實冇咩期望，因為曾經食過同事帶返黎嘅土耳其手信，就係呢個千層酥，嗰時係覺得好難食！ ！ ！但係男朋友話想試所以都照嗌！但估唔到係出奇好食！上網睇返，原來店主為配合香港人口味而改良過！真係好有Heart 💛 改良左嘅Baklava真係好好食，會想食完再食再食再食💛 一間咁有💛又咁充滿異國風嘅小店，你一定要去幫襯下啦💛好吃：😋😋😋😋 (五分滿分）打卡able: 📸📸📸📸 (五分滿分）📌 LONELY PAISLEY 地址：深水埗福華街182號A地下營業時間：星期一至日及公眾假期 12-10pm（部分資料為網上來源，如有違規請告知）點擊圖片放大 +2
