我本身好鐘意韓國，一年至少去兩次🇰🇷疫情下冇得飛，又比我見到哩間裝修咁韓國路邊攤嘅餐廳，即時心心眼😍於是決定去潮聖一下，一解思念韓國之情本身諗住即晚去，就諗住Book定位，點知原來佢Booking 都幾Full，最後Book左一星期後⋯⋯即係今日上到餐廳，其實地方唔大，一眼睇哂，網上話好多打卡位，的確係好多打卡位，但同時都好多人，係一個咁細嘅空間，又咁多人，除非你完全唔理人地嘅目光，又或者咁岩坐係個打卡位度，否則，真係冇辦法影到人像🥲點擊圖片放大 +3 一坐低嗌完嘢食，餐廳員工會奉上兩碟餐前小食，分別係麻油芽菜同埋泡菜，而且仲會幫你refill，至於食物方面，其實同一般韓國餐廳差唔多，價錢少貴🥲但味道可以嘅，真係比錢食環境囉🐒 我哋分別嗌左兩個主食同三杯嘢飲芝士炒年糕 $82 芝士微燶香口，年糕係配上韓式辣醬炒嘅，微辣得嚟又開胃👍🏻 一雞兩味-原味&醬油 $198原味：外層雞皮香脆，但肉質嫌唔夠Juice 🥲所以冇咩驚喜醬油：第一啖咬落去係驚喜嘅，甜甜地，但肉質略嫌「鞋」口順帶一提係，每款口味係得5件，分別係雞翼，雞鎚，雞胸同雞上髀 （其中一款係兩舊） 芒果綠茶燒酒 $65一杯我幾失望嘅飲品因為第一啖我飲落去係苦嘅🥲 然後夾硬飲哂佢🥲 No comment 了 菠蘿啤酒/熱情果啤酒$55用韓國啤酒Hite加上菠蘿/熱情果果肉混合而成～ 菠蘿味就一般，反而熱情果有驚喜，甜甜地，易入口😚 最後好想講係，個場的確好路邊攤感，因為係越坐越熱，熱到好似係路邊攤食嘢咁，可能因為開放式廚房嘅問題，又或者冷氣唔夠大？一路食一路流汗，未食晒已經焗到唔想食😟廚房d油煙仲攻到對眼係咁流眼水🥲 整體黎講可以試，但唔會專登再去食囉😞至於打唔打到卡，就聽下你有冇緣份啦🥲好吃：😋😋😋 (五分滿分）打卡able: 📸📸📸 (五分滿分）📌hoo韓國包車 hoo포차地址：尖沙咀厚福街12-12A號藍馬商業大廈22樓營業時間：星期一全日休息星期二至日 12:00-16:00 / 18:00-22:00中午截單時間為 14:50另收加一服務費
