呢個婆婆👵🏻煮嘅上海菜唔錯地方又寬敞舒適，服務仲幾就到添～我講緊嘅係iSquare 6樓嘅「 上海婆婆336 」～ 電子落單，仲可以揀「少鹽少油」👍🏻👍🏻環境又靜，岩晒邊食邊傾🗣 點擊圖片放大 🥟《上海小籠包（四隻）$38》皮都算薄，湯夠熱而肉餡都清甜～ 🐟《韭黃炒鱔糊 $108》鱔肉無骨爽滑，粗條份量又多，韭黃鮮嫩無渣，醬汁香濃惹味～所以嗌多份《迷你饅頭三隻 （蒸）$15》（附煉奶）蘸醬食～ 🍲《砂鍋粉皮魚頭湯（例）$132》魚頭大個，又連好多魚肉，魚鰓爽滑，魚肉滑溜～魚湯奶白好飲，當中還有蘑菇片、白菜、筍片同粉皮～以為只係一個湯，原來勁飽肚，抵食！ 🍥《上海炒年糕 $82》炒得惹味，年糕夠多又夠煙韌軟腍，放涼咗都無變硬～配埋豆瓣醬仲好味～ 呢餐3個人食到勁飽，埋單每人$150有找🤫加埋環境同服務，好抵食！ 📍上海婆婆336 尖沙咀彌敦道63號iSQUARE國際廣場6樓605-606號舖
