我好中意沖繩🌊知道尖沙咀有間沖繩居酒屋，放工即刻去！ 餐廳裝修好有沖繩居酒屋嘅風味，而且日本食客居多，播埋熟識嘅日文歌，慰藉自己當去咗個小旅行🧳點擊圖片放大 ※最低消費︰每位飲品1杯及每位前菜$20 ※ 🥢前菜係《沖繩豆腐 $20/人》比一般豆腐有口感，加埋配料香啲又清新啲～ 《沖繩豬肉餃子$78》6隻飽滿有肉香～個皮又夠薄～ 🥢《特製墨魚汁炒麵$82》有韭菜花、豬肉同魷魚，原來都有少少辣味，好味喎～ 🥢《石門牛肉炸薯餅$78》即刻諗起喺日本街頭買可樂餅食嘅時光🥺夠香脆，肉餡多加埋薯蓉好香口～ 🥢《自家製沖繩雞肉棒 兩串 $68》我呢款係汁燒（用汁燒製會跟雞蛋，而鹽燒就無架啦～）雞肉調味唔錯，而且有少少雞軟骨碎，加埋雞蛋同醬油好味～ 🥢《飯團$30 》有三款味（明太子/梅/三文魚），我揀咗明太子～本身以為係一般咁，將明太子包喺飯團中間，但呢一個係張飯同明太子拌勻搓成飯團🍙成個粉紅色好靚呀😛點擊圖片放大 🥢叫咗兩杯酸酸地嘅特飲消膩：《沖繩四季桔梳打 $40》《西柚梳打 $40》📍 宴 尖沙咀 (尖沙咀)尖沙咀金馬倫道38-40號金龍中心1樓
