杜拜的第三天 食過早餐後就告別JW，向Atlantis The Palm棕櫚島亞特蘭蒂斯酒店進發！ Atlantis The Palm位於杜拜最大的人工棕櫚島上，呢個就係佢的全貌喇！左上角的那位[唔記得個名?!] 就係構思人工島呢個idea同有份出錢去打造的人！ 搭咗大約5分鐘左右的無人駕駛[?!] 就到喇！ 要睇間酒店有幾豪，當然要睇佢間總統套房啦！面積220平方米！如果對比香港5星酒店的總統套房，以某兩大酒店為例，面積約由二百八十多至三百多平方米，咁香港的總統套房就奢華過呢度的總統套房喇bor！ [Floor Plan來自酒店官網 https://www.atlantisthepalm.com/hotel-rooms/signature-suites/signature-suites-presidential] 不過杜拜咁奢華的角度又點只得總統套房，除總統套房外，仲有The Grand Atlantis Suite，面積429平方米，睇幅平面圖十足成層樓咁大！仲有戶外露台可以欣賞海景！ [Floor Plan來自酒店官網 https://www.atlantisthepalm.com/hotel-rooms/signature-suites/signature-suites-grand-atlantis] 仲未夠豪？！咁就要睇埋連接住酒店東西兩翼中間最頂頂個部份的超級總統套房—Royal Bridge Suite！有成924平方米！真係容納百多人開party都無問題！比香港的總統套房足足大差唔多3倍，真是完全可以展現到杜拜的奢華！ [Floor Plan來自酒店官網 https://www.atlantisthepalm.com/hotel-rooms/signature-suites/signature-suites-royal-bridge] 超級總統套房淨係得個大字未夠特別？！咁就要睇埋最後呢間特色套房！香港有水底餐廳，極盡奢華的杜拜就連水底套房都有！酒店共有兩間水底套房—Poseidon and Neptune Underwater Suites，共有3層，每房面積165平方米！住入去名副其實就係係水底瞓覺，連沖涼時d魚呀鯊魚呀都係隔住塊玻璃的隔離陪住你！真係唔知你睇佢定佢睇你？！ 求其係官網揀個6月平日的日子check下價格，水底套房一晚要USD5,445，約HKD42,xxx，Royal Bridge Suite再貴幾倍要USD17,697，約HKD138,xxx！真係住一晚都已經去到1x次日本[唔計掃貨]！ 究竟呢d咁奢華的套房到底係比咩人住o既呢？！又或者到底有無人會住？！ [Floor Plan來自酒店官網 https://www.atlantisthepalm.com/hotel-rooms/signature-suites/signature-suites-underwater] 酒店內有21間餐廳、酒吧、酒廊，當中仲有米芝蓮餐廳，NOBU就係其中一間！ 無得食米芝蓮，繼續第n餐自助餐！ 今次呢間選擇都算ok！ 熱盤區 熱盤區x2 冷盤區 甜品區 杜拜食自助餐咁算係豐富o架喇！ 仲有雪糕食 食飽就去check in喇！酒店大堂的標誌！對咗佢3日都諗唔到到底佢表達緊d乜？！ 辦理完check in，飛奔返房放低d行李，都來不及望清楚間房又要出發去沙漠越野四驅車之旅！亦算係呢個旅程最好玩的節目吧！ 因為行沙地同馬路唔同，所以入沙漠前司機大哥要先幫條呔放氣！ 我哋順道又可以參觀下當地的小店！嚟咗杜拜3日，終於見返d有阿拉伯feel的！十分地道的雜貨店！ 等齊車隊就出發喇！沙漠中神秘的鳥？！ 誰不知出發未夠5分鐘，就有意外事故！其中一架車卡住咗係小山坡上面！全部司機即刻衝晒落車研究對策！即刻明白點解要等齊車先出發！大家要守望相助！ 個頭拯救完一架車，轉個彎又見到另一架車有麻煩，雖然唔係我哋車隊的車，但大家都即刻衝落車幫手！話咁快就幫手換完呔！ 平時電視有「六嚿腹肌拯救隊」，杜拜呢個沙漠有「唔知有無六嚿腹肌拯救隊」！ 玩完廿多分鐘的越野四驅車，就到達今晚開餐的地方喇！係沙漠食自助餐！其實即係食沙啦！ 有得玩畫手、吸水煙[士多啤梨味的，吸完唔使呼出嚟?!]，外面仲有得騎駱駝！ 飯後餘興節目—肚皮舞表演！ 雖然食咗成晚沙，但都算值得參與的節目！玩咗一日返酒店！ 其實如果只係間房的內部，好似JW比較靚d！ 比較傳統的設計！ 呢間房最特別的就係浸浴時可以望出去睇電視！浸耐d都唔怕悶啦！ 還有引人犯罪的東西！
