【三亞自由行】三亞係海南島最hit嘅旅遊熱點，有靚到爆燈嘅海灘、海天一色嘅風景，仲有新鮮海鮮同美食出晒名！三亞四季天氣都好舒服，隨時去都好似放緊假咁chill！今日我幫大家揀咗三亞市5個必去景點，等你嘅三亞自由行計劃得掂！而三亞酒店的推介，就可以看這篇文章：按此三亞5大必玩景點推介1. 西島 想搵個寧靜嘅海島天堂？位於三亞灣中間嘅西島絕對係你嘅心水選擇！西島海底係海龜嘅家，潛水一潛就可以見到海龜、七彩珊瑚同熱帶魚喺你面前游來游去，潛水迷真係唔可以錯過！除咗水上活動同雨林探險，西島仲有同蜈支洲島一樣靚嘅「玻璃海」，而家係新晉打卡熱點！交通：由三亞市區搭快艇或者遊輪去西島，大概30分鐘就到。可以看看：三亞西島 私人導覽一日遊2. 大小洞天（天空之鏡） 嚟三亞點少得影靚相打卡？位於海南島南邊崖州區嘅「大小洞天」，係國家5A級景區，超值得一遊！最出名嘅打卡位有「天空之門」、「天梯」同「海邊燈塔」，唔同時間去都靚到暈，影相位多到你唔知點揀！海同天連繫起來嘅景色，靚到你唔捨得走！地址：三亞市崖州區城南山大小洞天旅遊區（自駕由市區出發大約1小時，景區有停車場）開放時間：07:30 - 18:30（最遲入園時間）門票：免費入場，部分打卡位要按時段畀錢。瀏覽更多：【三亞景點】大小洞天旅遊攻略3. 林旺夜市 三亞嘅海鮮同美食出晒名，唔去夜市點得？三亞有好多夜市，但講到最多好評，梗係「林旺夜市」啦！夜市美食多到眼花撩亂，炒椰奶清補涼、牛雜鍋、温泉醉鵝、椰子雞全部係必食推介，價錢仲好親民！如果你住海棠灣，15分鐘車程就到，仲有免費泊車位，超方便！地址：林旺大道同林旺一巷交叉口營業時間：17:30 - 00:30瀏覽更多：按此延伸閱讀：海南三亞10大親子酒店推介025：最平人均每晚HK$198起，泳池別墅+私人沙灘！4. 南山寺 南山寺係中國數一數二大嘅佛教寺院，嚟三亞一定要去朝聖！寺院將漢傳同南傳佛教融合得好好，建築細節精緻到不得了，文化氣氛濃到爆！你可以睇到108米高嘅「南山海上觀音佛像」，仲可以參拜、求籤、抄經，聽住僧人誦經，真係即刻心境平和。想玩晒南山寺每個角落，建議搭觀光車，慢慢感受海天一色嘅靚景同內心嘅平靜。地址：三亞市崖州區南山文化旅遊區開放時間：08:00 - 17:00（節假日時間可能有變）門票：南山文化旅遊區門票大約人民幣129元/人（包南山寺，無單獨門票）小貼士：為咗尊重寺廟文化，去南山寺嗰日記得着得莊重啲（例如有袖衫、長褲或者七分裙），唔係可能入唔到。仲要預早計劃行程，留夠時間慢慢玩！5. 後海村 三亞自由行點少得陽光同海灘？後海村係你嘅最佳chill點！後海村無高樓大廈，只有藍到發光嘅海水、金色沙灘同茂密嘅熱帶樹林，簡直係三亞嘅後花園！大人細路都可以喺度游水、潛水，睇珊瑚同海洋生物；鍾意靜態活動嘅朋友，可以喺海邊散步，感受海風同漁村嘅chill vibe。附近有好多地道潮汕菜同海鮮餐廳，強烈推介去試吓！地址：三亞市海棠區後海村開放時間：全日開放三亞係海南島一個充滿驚喜同吸引力嘅旅遊地，有靚景又有特色美食。快啲計劃你嘅三亞之旅，準備好享受一場難忘嘅旅程啦！credits: chinatraveljetso
