上篇小資女就分享左成功購入左第一個Birkin 包包, 今次我就再同大家分享一下其他橙色盒子入面是什麼東東~ 小資姐最後都帶左兩個橙色盒走!! 其實小資姐打算買個Kelly 走嘅~ 但知道行情嘅你地都明白Birkin, Kelly 同Constance 都係屬於比較難購入嘅包包,所以小資女都建議姐姐要有心理準備買唔到… 咁當小資女成功付款後,職員就問小資姐想買咩喇~ 咁小資姐直接講話想買Kelly~ 職員就話:今日Kelly 無貨呀,其他袋你考唔考慮? 小資姐一心只想買個Kelly 走,於是我地一行三人就離開左愛馬仕喇~ 到第二日,我地又再出發去佐治五世分店,同樣地搵返同一個staff~ 小資姐再表示要買Kelly~ 如是者 staff 都係表示今日無貨… 小資姐勁失望囉~ staff 就建議不如買Bolide 呀,都好襯你架~ 小資女提過姐姐,點都要買個包包走呀~ 於是小資姐就接受左bolide offer~~ Staff 又再一次神神祕祕咁走左去~ 我地等左幾分鐘佢出現返! 呢個橙色盒好細個架~ 個盒比起小資女既Birkin 25仲要細!!! Ladies and Gentlemen~ (Drum Roll~) It’s a Mini Bolide Rose Pourpre!!! Mini Bolide 好可愛呀! 好少見到咁細個嘅包包~ 你咪睇佢細細個,都放得入iPhone 7 Plus 架~ 係咪好靚呢?同小資女個BIRKIN 同色架~ 有開箱片段喔--> Hermes Mini Bolide Rose Pourpre 小資姐太高興嘅關係, 佢都買多左個Dogon Colvert 銀包走~ (抄我…) 繼續開Dogon銀包!! 銀包入面可以分開的~~小資女好鍾意哩個設計~ 個顏色都唔錯^^~ 有開箱片段喔--> Hermes Dogon Colvert wallet 睇下我地幾開心~~ 故事未完架~~~~ 第三日,我地又黎到愛馬仕~ 小資姐話想博多一次買Kelly, 咁小資女同老公都奉陪到底!再一次搵同一個職員喇,再一次個職員話無貨喇,咁都無計喇,死都唔肯賣~ (嬲呀!) 小資女諗諗下,反正都黎到,無理由空手而回! 小資女探聽下staff 有咩袋有貨呀~ TA-DA~~~ 又多一個盒...一日一個...(小資女老公淌血中......) Garden Party 30 Negonda noir ! 靚唔靚呀? Staff仲幫小資女整埋Twilly~ 黑色本來感覺好一般~~但係加左兩條Twilly即刻唔同哂~~好開心ar~~ 有開箱片段喔--> Hermes Garden Party 30 Negonda Noir 臨走果時比小資女發現愛馬仕糖果~~ 焦糖脆脆巧克力! 2016年果時係馬型棒棒糖~ 2017愛馬仕大豐收~~嘩哈哈哈~ 小資女要分享嘅愛馬仕開箱文暫且告一段落喇~ 希望不久嘅將來再為大家帶來更多嘅開箱文! 希望大家繼續支持小資女CAM CAM~ 小資女Facebook: https://www.facebook.com/Camcamlife/