小資女繼上次用310000里換左兩張歐洲頭等機票後~ 今次又用了560000 里換了一個家庭商務遊,一共4張商務機票,3個目的地~分別係巴黎,上海同北海道~hehehe(奸笑中) 小資女係2017年9月頭換嘅,3個出發日子分別係9月,11月同12月,距離最遠嘅出發日子都係只有3個月咋~ 好多人都話要換機票最好一年之前換定(小資女都非常同意!),但小資女好掛住上年頭等嘅英法聖誕之旅,想再去多次巴黎過聖誕,所以就手痕打去Asiamiles試下有無聖誕出發嘅機位。 點知小資女打左廣東話同普通話熱線好耐都打唔入(嬲…),咁就梗係試埋英文熱線喇,果然一打即通! 於是我就問下香港出發去巴黎聖誕節有無商務機位喇,居然有位呀!不過唔係國泰直航,來回都要轉機,雖然唔係最好嘅選擇,但咁近出發嘅日子又係聖誕節仲有商務客位,小資女覺得機會好難得~小資女即刻同老公商量一下! 老公提議不如帶同小資媽一齊去呀~因為老公記得小資女應承過小資媽來一趟歐洲商務遊~ 於是小資女即刻致電小資媽同小資姐問下佢地有無興趣一齊去。答案當然係有喇,所以小資女聯同老公與小資姐一同發功,想知道我地一齊換左D乜野?大家睇睇下面喇~ KA/CX國泰航空 香港HKG>上海PVG 上海PVG>香港HKG CX國泰航空 香港HKG>札幌CTS 札幌CTS>香港HKG BA英國航空 香港HKG>倫敦LHR (轉機)>巴黎CDG QR卡塔爾航空 巴黎CDG>多哈DOH(轉機)>香港HKG 換呢套全business 需要140000里+稅 HKD2585, 所以我地4個人用左560000 里+稅 HKD10340~ 小資姐自己換比自己 老公都係自己換比自己 小資女戶口換左張比媽媽, 一張比自己~~ 小資女計過,如果同一時間出發用錢買商務機票係---------> 香港來回上海~ 香港來回札幌 香港單程巴黎 巴黎單程香港 需要大約$78000 港元一個人呀! 所以,小資女今次一家人就慳左$312000 港元! 就算減去10340既稅~都慳左約300000港元~ Yeah~~~~~~~ 所以儲里數未必需要集中儲入一個戶口,有時分開儲都有好處架~ (小資女心諗:如果得我自己一個人儲560000 里,起碼都要儲多一、兩年…嗚…>_<) 小資女Facebook: https://www.facebook.com/Camcamlife/