北海道The Kiroro, A Tribute Portfolio Hotel 小資女今日為大家帶黎The Kiroro 酒店分享～ 小資女係未落雪嘅日子住左一晚滑雪場嘅酒店真係幾無謂～ 因為呢間酒店係Starwood 集團旗下酒店，小資女為左儲stay, 就帶埋屋企人住左一晚喇～ （奸笑中～） http://www.starwoodhotels.com/tributeportfolio/property/overview/index.html?propertyID=4377&language=en_US 酒店房價連早餐係 10,640 YEN (1晚房價) 大約港幣 一晚$760 小資女大概傍晚6點幾到左酒店嘅～ 由老公負責開車由新千歲機場到酒店需要大約1.5小時～ 去到因爲淡季關係，酒店大堂係無人嘅～ 成間酒店都好靜⋯⋯ 酒店個大堂設計都幾靚架～ 大堂有餐廳同兩間小店~有手信同食物飲品賣~ 小資女好快做完check in 手續就上房喇～ 因為小資女係SPG 金會員關係，酒店好好人咁幫我升級到高一級嘅客房～ Lucky! （要留意：媽媽同小資姐係無升到嘅…） 一齊睇下升左級嘅房間係點喇～ 酒店張匙卡係好靚嘅雪山景～ 一入房間就有個衣櫃同放行李位 然後一個門中門～ 之前有個梳化位同埋可以整咖啡，茶嘅位置 向左手面望就係大床位喇～ 梳化與床之間就有個電視分隔一下 張床好鬼大張架～ 床嘅左手面又有個休息位～ 第二朝拉開窗簾見到個景都不錯架！ 酒店送左少少甜點比我同老公享用～ 床嘅右手面就係洗手間～ 洗手盆，廁所，同淋浴間都係分開嘅～ 洗手間幾大架！ 獨立辦公室～ 哈 呢到有企缸 又有浴缸（老公最鐘意～） 我地安頓左就去食晚飯喇～ 酒店有好幾間餐廳，有食自助餐，日式料理，西式料理同燒烤～ 食自助餐嘅餐廳～ 大人4000YEN 一位~~唔貴Wo~ 我地就揀左食西式料理，餐廳叫Alpine Brasserie～ 餐廳係酒店大堂位置~ 小資女點左油封雞腿與薯蓉~yummy~ 老公點左薯仔酸菜煮北海道豬肉~~估唔到幾好食幾開胃~ 媽媽點左北海道牛扒與鵝肝~最貴哩個~反而最失色~ 小資姐點左日式咖哩牛肉飯 （唔係西式料理…）不過好食~ 呢餐食左11500 yen 大概$800 港幣 埋單果時職員積極推銷佢地餐廳嘅蛋糕做緊半價～ 小資女大為太飽嘅關係婉拒左～ 半價好吸引~~350yen 一件~ 老公叫我食...可惜小資女怕肥... 食飽飽就係酒店四周圍行下 酒店有兩間商店 店舖都幾大~ 開鋪1500-2200~唔好一早黎~~哈哈 賣一下紀念品同手信咁喇～ 有好多選擇! 都有一D飲品同零食咁嘅～ 之外呢度有個室外嘅溫泉架～ 不過呢個要付費嘅～ 酒店主樓有一個就唔洗額外收費～ 行完就返上房休息喇～ 早餐篇： 我地早餐包左去Ｗｏｒｌｄ ｂｕｆｆｅｔ ＂ＰＯＰ＂食嘅～睇下早餐有咩食喇～ 因為淡季~餐廳都係得好少人~ 早餐款式都算多～ 有榖類早餐～ 飲返杯北海道牛奶先～ 新鮮乳酪～ 有果汁同乳酸飲品 生果少少地有四款 各式麵包 咖啡 有廚師即場煎蛋，整奄列 一堆熱盤，包括係薯蓉，蕃茄，西蘭花，炒滑蛋煙肉，腸仔 點擊圖片放大 +3 燒魚 豆腐 早餐要食豆腐？ 玉子 各類型漬物 納豆都有添 食飽左就同屋企人係酒店四周圍影下相喇～ 雖然無落雪~但其實得幾度~~ 酒店正門~ 如果自駕~車可以泊室內同室外都得~ 仲有少少雪呀 呢個仲有個小教堂架～ 酒店面積都唔細～ 雪季果時呢到就應該好熱鬧～ 有d鋪頭因為淡季~所以無開~下次要旺季來一次先得~ 雖然小資女去果時無落雪，但就咁係呢度影下相都幾靚架～ 睇下d樹葉.... 小資女呢次入住都幾滿意，老公話第時黎北海道再入住呢間酒店兼滑下雪～ 小資女一離開北海道果時The Kiroro 酒店區域開始落雪囉～ 激死我喇～～～ 總括:酒店由於近滑雪埸~所以比較偏遠~淡季來最好自駕~旺季的話酒店會有巴士來往新千歲機場~但要預先向酒店預定~~大約兩個鐘車程~~而酒店設施有少少舊~~但周圍環境相對舒服~有美麗既自然景色~相信小資女會再來~~哈哈~ 最後評價(5星為滿分） 酒店設施 *** 酒店服務 *** 推薦度 *** 小資女Facebook: https://www.facebook.com/Camcamlife/
