2016年6月30日-7月4日 就去左沙巴玩幾日,我地就訂左離沙巴大概坐15分鐘快艇距離嘅Gaya Island~ 住左3個晚上~ http://www.gayaislandresort.com/ 本身呢間酒店唔平架~ 房價只包早餐! 因為之前有用開Agoda 訂房,D積分又到期,所以我地就用晒戶口入面嘅積分當錢用黎扣減房價! 減完之後3晚大概係港幣$2300,原本房價要港幣$2000 一晚喔 其實我都幾推介Agoda 架~ 因為佢不定時有promotion code, 又有同信用卡做優惠,而家又同Asia Miles 係partner! 最好嘅係Agoda會員訂房回贈機制,平日訂房儲儲埋埋D分可以當錢用(幫人訂房都得架),大部分嘅酒店房價都可以用積分扣減,再可以用埋信用卡優惠碼!房價變相係折上折!真係抵到呢~ 1美元=20積分 雖然最少要儲到12500積分=25美元先可以用,但都好過訂Hxxxxx.com, 住10晚先送一晚,仲要用左優惠碼就唔可以儲住宿,到第10晚送比你嘅時候又將你之前嘅房價平均計算左,得出某一個價值後,你訂房時就可以扣減返果個價值… 綁手綁腳咁… 講完我點優惠訂房就講返間酒店 到左Kota Kinabalu 機場就要自己搭的士去碼頭 (Jesselton Point),去到你就會搵到酒店有個service point, 核對左資料後就等快艇黎接你去個島喇! Jesselton Point係酒店上船既碼頭 Jesselton Point係主要碼頭之一 Gaya Island Reception~可以坐入去等~ 準備上船 雖然只係10分鐘船程,但我地都好認真要著救生衣 出發! 10 分鐘後就到左個島喇! 又要影返張相先~~ 酒店有私人沙灘~ 上落船位 之後職員會幫你check in, 酒店仲會派隻wifi 蛋你係島上網同介紹下個島有咩玩意~ 有WELCOME DRINK! YUMMY! 等CHECK IN 中 大狗發呆打機中~ 當房間準備好就帶你會帶你去架喇~ 今次小資女住左係要上山高少少既房間~要行十分鐘到沙灘~ 酒店房外觀~一楝分上下兩層~~今次選左下層~ 下層房間門口前的休憩區~ 超驚喜! 老公同酒店講左我地相識3000日, 酒店就為我地準備左花床佈置同酒喔! 嘩~有花床~開心~~YEAH~ 仲送左支紅酒~~GOOD~雖然小資女同老公都好少飲酒~ 有一開門直行已經見到浴室~ 咁大既浴缸~~老公最愛~ 出左周身汗~即刻浸浴~~真係好歎~~ 又到晚餐時間~~酒店由於係個島到~出唔到去搵食~~所以要係酒店餐廳消費~ 今次食西餐~味道都OK~~ 烤雞沙律~~ 西蘭花湯~ 牛柳~ 呢個最好食! 係沙律蝦!酒店仲有幾間餐廳~~不過耍預早BOOK~~因為有D餐廳坐位不多(小資女試過Walk in無位~嬲~) 自助早餐~~小資女訂房時有包早餐~~個椰漿飯好味~~ 炒粿條~ 咖哩烤餅~酒店既自助早餐種類都多~~唔錯WO 酒店泳池都幾靚~ 都唔細GA~ 近岸地方都有珊瑚~~有好多魚同海膽(可以食就好)~ 水都很清澈 曬下太陽幾寫意~~ HIP HOP熊貓同狸貓熱到要游下水~ 泳池仲有酒吧~~可以坐係泳池飲下野~幾正~ 真正既渡假~係酒店食下玩下又一日~ 到傍晚~酒店職員仲會係沙灘畫圖案~ 如果鍾意大自然既可以考慮哩間酒店~~酒店提供好多活動給住客~~ 全部都跟大自然有關~雖然有D要收費~ (小資女最怕要用體力既活動~所以咩都無參加~哈哈哈哈哈~) 最後評價(5星為滿分) 酒店設施 *** 酒店服務 **** 推薦度 *** 小資女Facebook: https://www.facebook.com/Camcamlife/