話說上次入住W HOTEL, 比我發現左有間好好食嘅餐廳! 餐廳就叫做Supanniga Eating Room, 由酒店行過去只需要6 分鐘, 非常方便! http://www.supannigaeatingroom.com/index.html 普通泰國菜大家當然唔陌生啦~但係今次既餐廳係食有泰國既東部同東北菜食~~沖哥都有介紹GA~~所以小資女當然要親身試下啦~ 餐廳要11點先開門~~早左到添~ 餐廳有吧枱位置~~一開門已經坐滿一半人~想食好野要早D嚟啦~ 室內設計年輕時尚(老公又打機!!嬲) 餐具都好靚架~~由於今次同老爺同奶奶一齊出遊~~所以可以叫多D食物~ 食物來了~ 我地叫左好多款食物!! 有單骨雞翼~同香港食差唔多~但係奶奶既最愛...一定要叫~ 釀蟹蓋~無咩特別~中規中矩~ 青咖哩~~好香~ 好辣嘅魚柳~~鍾意辣既朋友可以挑戰(老爺最愛辣) Khao Klook Ka Pi - 望落去係好普通既飯~不過好好食~~諗返都流口水 咖哩牛腩~都唔錯~ BABY 魷魚湯, 魷魚入面有豬肉架~幾得意~ 生菜~~非常好食~係少左D~ 烤豬肉與烤甜糯米飯~唔錯~唔錯~~ 我地食過一次之後覺得好好吃, 第二日夜晚又再次黎到Supanniga Eating Room!!! 今日晚飲返個特飲先 叫左個沙律~~感覺無咁肥~~ 炒牛柳條~~乾左D~ 再食雞翼~奶奶必點~~ 豬肉丸湯~~好好飲~ 炒菜好好食~~哩度既菜一流~讚~ 炒金邊粉~份量好少~但係又幾好食.... 雞蛋蠔餅~都好出色~ 再黎青咖哩同炸魚~~見到小資女再叫好味 蟹肉炒飯~~無得彈~~D炒粉面~~ 今次食埋甜品, 芒果糯米飯!!!正呀~ 仲有泰式奶茶布甸~個味道好特別~心心眼~~ 加埋練奶簡直一流配搭!! 呢間餐廳位置雖然唔係咁方便, 不過食物又幾特別, 埋單又唔係好貴咋~小資女覺得價錢合理~平時仲好多人食要排隊~~如果食厭左普通泰國菜既朋友~~可以試下另類泰國菜~~有機會再去泰國小資女會再去~食食食!!! 餐廳評分 食物：**** 餐廳環境：*** 服務：**** Supanniga Eating Room 有三間分店: 1. 28 Soi Sathorn 10 Silom, Bangrak, Bangkok 10500 -->我去果間 2. 160/11 Soi Sukhumvit 55 (Thonglor) Klongton Nuea, Watthana, Bangkok 10110 3. Riva Arun Hotel River Front 392/25-26 Maharaj Road, (呢間新開架) Phraborom Maharajawang, Phra Nakhon, Bangkok 10200 小資女Facebook: https://www.facebook.com/Camcamlife/
