2016年元旦去左檳城玩幾日,入住左G hotel 加拉歪路酒店~ 酒店係近檳城Gurney plaza,又近Gurney hawker center 新關仔角小販中心~ 好方便架! 先講酒店當時房價,大概港幣8百幾蚊一日~ 房間空間幾大架!乾淨企理! 酒店網址 http://www.ghotelkelawai.com.my/index2.htm 房間空間都好大~~設備都好新~ 有好多花瓣~~仲砌左三個心心~~開心~ 老公同酒店講,話我地元旦黎檳城渡假~ 酒店就幫我地整左花床佈置~ 太surprise 了~ 連厠所同洗手盤都佈滿花瓣~ 呢度都有花瓣~ 酒店夜間晚著左燈都幾靚架 準備去新關仔角小販中心 Gurney hawker center 喇!!! 由酒店行10分鐘就去到Gurney hawker center 一條路就到架喇! 嘩! 乜已經咁多人架!要快D去搵位至得! 聽講係馬拉沙律! 一定要試下 ROJAK 有小黃瓜, 菠蘿, 芒果, 蓮霧,油炸鬼等材料, 酸酸甜甜脆脆咁~都幾開胃~ 試埋咩叫亞參叻沙先, 聽講係檳城嘅代表食物! 同新加坡叻沙完全唔同喔, 酸酸地~唔貴喔~~ 呢間小店好多人排隊買架, 一於跟住買! 果然不負眾望, 炒粿條真係好好味呀! 我地再食左少少沙嗲串燒 食埋個刨冰做甜品就perfect! 小資女已經忍唔住要食野先~~全部野加埋不用100港元~抵~~ 沿路行返酒店見到麻芝呀~3蚊馬幣...6蚊港元都不用~~ 好香芝麻味架! 同我地食嘅糖不甩有D相似!~好好食~~ 第二朝早去左食新西蘭肉骨茶做BRUNCH! 小資女又出發去搵食啦~~~ 由酒店行過黎15分鐘~ 呢度都幾大~都好多人~ 肉骨茶黎喇~ 非常之大份~~ 好足料!~~藥材味好重~~ 仲有兩碗白飯同油炸鬼!~~小資女同老公又戰敗...(食唔哂) 總括~酒店整體上不過不失~~附近有大型商場同好多食市~~如果鍾意地道食物也可以去新關仔角小販中心~~價錢亦很經濟~~但壞處係離喬治市中心遠~~小資女去市中心都係坐的士~~價錢大約係40港元~~還可以接受~~對比香港的士算平~~哈哈~~ 酒店評價(5星為滿分) 酒店設施 *** 酒店服務 *** 推薦度 *** 小資女Facebook: https://www.facebook.com/Camcamlife/