巴黎美食行 - 甜品篇 法國甜品係世界非常出名~ 小資女今次去巴黎只係試左兩間大路甜品店:Ladurée 同Angelina ~~~ 先講Ladurée 先~ https://www.laduree.com/en_fr/ 朋友介紹我地去Madeleine 果度間分店~ 唔知係咪特別歷史悠久抑或是室內裝修特別靚呢?上網搵資料睇返原來係旗艦店!係Ladurée 第一間店呀!(我有幾次經過香榭大道果間都唔洗等位,呢間就要等20分鐘~) 小資女當然要係大門留下倩影先~~哈哈 發呆等位中~~ 等左20分鐘~入到去就梗係飲熱朱古力! 老公就飲凍朱古力!就算零下幾度都要飲凍飲既老公~~ 叫熱朱古力~仲配一粒朱古力~~ Macaroon 馬卡龍一定要叫喇~ 另外再叫左一件蛋糕 Cake Painepi (下次唔會叫..無咩特別) 9種唔同味~~最好食係海鹽~~正~ 今餐用左45.2歐元~~ Ladurée既朱古力同馬卡龍都好有水準~~最衰就係經常要排隊~~小資女推薦要試熱朱古力同海鹽馬卡龍~不過可以叫細Size的~~價格小資女就覺得唔平~~同香港差不多~~但係鍾意朝聖既朋友又點可以錯過~ 接著再黎就係分享Angelina! http://www.angelina-paris.fr/fr/ 佢地係巴黎有9 間分店,小資女同老公就去左羅浮宮分店~ 原因好簡單,因為我地會去羅浮宮參觀嘛,咁咪可以行完去餐廳坐下食甜品囉~ 我地去到餐廳嘅時候大概係下午四點,入到揀好食咩喇,點知落單時果侍應話呢個款無,果個款都無…… 我地只好揀左以下呢兩款~ Mont Blanc 栗子忌廉蛋糕 呢個係經典蛋糕款式~ 但係好甜,有面有粒原粒栗子,同埋好多忌廉~ Lemon mousse Cake 檸檬慕絲蛋糕 好清新嘅蛋糕,出奇地好味!餓狼出沒了~嗚~~~~ 我飲大名鼎鼎的朱古力, 老公就飲凍咖啡~(向熱飲說不的男人)~暈~ 今餐有D失望~~唉~~ 雖然餐廳不用排隊~但是小資女認為蛋糕一般般又無咩選擇,可能因為法國人鍾意好甜嘅甜品喇~(連小資女覺得太甜) 另外個朱古力都唔係想像中咁好飲…… (花神咖啡館果個好飲好多!) 小資女Facebook: https://www.facebook.com/Camcamlife/